Wednesday, April 13, 2016

தியானம் செய்யுங்கள்


"தியானம் செய்வதற்கு, என்னை உருவத்தோடோ அல்லது உருவமற்ற ஆனந்தமாகவோ தியானம் செய்யுங்கள். அல்லது அது கஷ்டமாக இருந்தால், இங்கே பார்ப்பது போன்ற உருவிலேயே எண்ணிப் பாருங்கள். அதையே இரவும் பகலுமாகச் சிந்தித்து வாருங்கள்.  இது, பிரம்மத்தோடு ஒன்றுபடும் நிலையில் சென்று முடிவடையும்."- ஸ்ரீ ஷிர்டி சாய்பாபா.

ஏன் பாபாவின் உருவத்தைத்தான் தியானிக்க வேண்டும்? வேறு ஓர் உருவத்தைத் தியானிக்கக் கூடாதா? ஒருவர் விரும்பும் எந்த உருவத்தை வேண்டுமானாலும் தியானிக்கலாம். ஆனால், அது ஒரே ஓர் உருவமாக இருக்க வேண்டும். தன்னைத் தரிசிக்க வந்த மற்றொரு குரு ஒருவரின் சிஷ்யரிடம், " மற்றக் குருமார்களின் பெருமை அதிகமாக இருந்தாலும், உனது குருவின் பெருமை குறைவாக இருந்தாலும், உனது குருவையே குறைவுபடாத நம்பிக்கையுடன் திடமாகப் பற்றியிரு" என்றார் பாபா. ஏன் ஒருவர் அவ்வாறு செய்ய வேண்டும் ? தமது குருவைக் காட்டிலும் சிறந்த ஒருவரைக் கண்டால், ஏன் அவரை விட்டுவிட்டு இவரைக் குருவாக ஏற்பது புத்திசாலித்தனமாகாதா? பாபா, " குரு, தன்னை உன்னுடைய குருவாக ஆக்கிக் கொள்வதில்லை. நீதான் அவரை உன் குருவாகக் கருதவேண்டும். அதாவது அவரிடம் முழுமையான நம்பிக்கை வைக்கவேண்டும். ஒரு கம்பத்தை உன் குருவாக நினைத்துப் பாவித்து வா. உனது குறிக்கோள் நிறைவேறுகிறதா இல்லையா என்று பார்" என்றார்.


Join in Sri Sai Satcharithra Group Parayan ON 14/04/2016- 20/04/2016


நீங்கள் உலகின் எந்த மூலையில் இருந்தாலும் உங்கள் வீட்டில் இருந்தபடியே  வரும் வியாழன்  (14 /04/16 ) அன்று தொடங்குங்கள். 7 நாள் பாராயணமும் உங்கள் வீட்டிலோ அல்லது கோவிலிலோ செய்யவும்.


சாய் பக்தர்களே, மனோகரமான இந்த ஸ்ரீ சாய் சத்சரித்திரம் எல்லா கோரிக்கைகளை தீர்த்து வைக்கும். இதனைப் படிப்பவர்களின் தன்மையைப் பொறுத்து அவர்களுக்குப் பலன் வரும். ஆகையால் பக்தி சிரத்தையுடன் படித்தால் நீங்கள் வேண்டியது நிறைவேறும்.
பல ஜென்ம புண்ணியத்தினால் மட்டுமே ஸ்ரீ சாய் சத்சரிதத்தை படிக்கும் வாய்ப்பு கிடைக்கும். நம்பிக்கை என்பது ஒரு இடத்தில் மட்டுமே வைக்கும்போது மிகுதியான பலன் கிடைக்கும். அந்த நம்பிக்கையை பாபாவின் மீது வைத்து, அவரின் பாதகமலங்களைப் பூஜித்துக்கொண்டு பாபாவையே தியானித்துக்கொண்டு இருங்கள்.
ஸ்ரீ சாய் சத்சரித்திரம் என்ற புத்தகம் உண்மையில் கடவுளின் அவதாரமேயாகும். பாபாவின் சக்தி சத்சரிதத்தின் ஒவ்வொரு எழுத்தின் உள்ளேயும் பொதிந்து கிடக்கின்றன. சத்சரிதத்தை வாய்விட்டு உரக்கவோ, மனதிற்குள்ளாகவோ, மனமும் குரலும் சேர்ந்து உபன்யாசமாகவோ பக்தியுடன் பாராயணம் செய்யும் பொழுது ஸ்ரீ சாய்நாதரின் தெய்வீக சைதன்யம் அந்த திசையை நோக்கி ஈர்க்கப்படும். ஒரு பக்தனின் அனைத்து உடல் சார்ந்த, உயிர் சார்ந்த, மானசீக நோய் சம்பந்தமான, தொந்தரவுகள், கஷ்டங்கள் அனைத்து அதிர்வுகளும் ஸ்ரீ சாய் சரித்திரத்தை பாராயணம் செய்யும் பொழுது அவை ஸ்ரீ சாய்நாதரின் தெய்வீக சைதன்யத்தை சென்றடைகின்றன. அவை அங்கு சுத்தம் செய்யப்பட்டு மீண்டும் பாராயணம் செய்யும் பக்தரை ஸ்ரீ சாய்நாதரின் அருள் நிரம்பிய அலைகளாக திரும்ப வந்து சேருகின்றன. இது போன்ற சூழ்நிலைகளில் பக்தன் இகலோக சுகங்களையும் பரலோக சுகங்களையும் பெறுவான்.
பெரும்பான்மையான சாய் பக்தர்கள் ஸ்ரீ சாய் சத்சரிதத்ததை முழுமையாக படித்ததில்லை. சிலர் ஓரிரு முறை பாராயணம் செய்ததோடு நிறுத்திவிடுகின்றனர்.
உண்மையில் பாபாவை விரும்பும் பக்தர் தினமும் ஒரு அத்தியாயத்தையாவது படிக்கவேண்டும். உங்களின் சத்சரித்திர பாராயணத்தின் போது பாபா உங்கள் அருகிலேயே அமர்ந்து, மிகவும் மகிழ்ச்சியுடன் கேட்டுக் கொண்டிருப்பார். இதுவரை ஸ்ரீ சாய் சத்சரிதத்தை படிக்காதவர்கள், அல்லது சத் சரிதத்தை ஏழு நாட்களுக்குள் ( சப்த பாராயணம் ) செய்ய நினைப்பவர்கள், நீங்கள் உலகின் எந்த மூலையில் இருந்தாலும் உங்கள் வீட்டில் இருந்தபடியே  வரும் வியாழன்  (14 /04/16 ) அன்று தொடங்குங்கள்.

சப்தாக ( ஏழு நாட்கள் ) பாராயண முறை ;

காலையில் எழுந்து நீராடி பாராயணம் செய்யும் இடத்தை சுத்தம் செய்து தீபத்தை ஏற்றி பூக்களுடன் அலங்கரித்து நூலினை சாயியின் ஸ்வரூபமாகவே பாவித்து சாய் அஷ்டோத்திரத்தை படித்து பாராயணம் ஆரம்பிக்க வேண்டும். அன்றைய பாராயணம் முடிந்தவுடன் ஆரத்தி எடுத்து வணங்க வேண்டும். ஏழு  நாட்கள் பாராயணம் முடிந்தவுடன் அவரவர் சக்திக்கு ஏற்ப அண்ண தானம் செய்ய வேண்டும். இப்படி சிரத்தையுடன் பாராயணம் செய்தால் தாங்கள் வேண்டியது நிறைவேறும். பாபாவின் அருளும் ஆசியும் கிடைக்கும்.

ஏழு  நாட்கள் பாராயணம் செய்ய வேண்டிய அத்தியாங்களின் விவரங்கள்;

14/04/16--- அத்தியாயம் 1 முதல் அத்தியாயம் 7 வரை.

15/04/16--- அத்தியாயம்  8 முதல் அத்தியாயம்   15

16/04/16---  அத்தியாயம் 16 முதல்   அத்தியாயம்  22

17/04/16---  அத்தியாயம் 23  முதல்  அத்தியாயம் 30

18/04/16--- அத்தியாயம் 31 முதல் அத்தியாயம்  37

19/04/16---   அத்தியாயம் 38 முதல் அத்தியாயம்  44

20/04/16 -- அத்தியாயம் 44 முதல் முடிவுரை வரை.


சத் சரித்திர பாராயணத்தில் கலந்து கொள்பவர்கள் கீழே கொடுக்கப்பட்டுள்ள FACEBOOK   LINKல்  MESSAGE செய்யவும்.
http://www.facebook.com/shirdisaibabasayingsintamil

இது ஸ்ரீ சாய் சத்சரித்திர பாராயணத்தை ஊக்குவிக்கும் முயற்சியே.

ஜெய் சாய்ராம்.

http://www.shirdisaibabasayings.com
http://www.facebook.com/shirdisaibabasayingsintamil

எப்போதும் உன்னை நினைத்திருப்பேன்,

ரகுவீர் புரந்தரே, முதன் முதலாக 1909-ல் நான் சாயி பாபாவைப் பற்றி கேள்வியுற்று அவரை தரிசிக்க மனைவி, குழந்தை முற்றும் தாயாருடன் விஜயம் ...