தேவை என்பதே இருக்காது

என்னுடைய பக்தர்களுடைய வீட்டில் ஒரு போதும் தேவை என்பதே இருக்காது. - ஷிர்டி சாய்பாபா 

பரஸ்பர அன்பு

பாபாவுக்கும், பக்தனுக்கும் இடைவெளி ஏதும் இல்லை. அவர்கள் இருவரும் எப்பொழுதும் இணைந்தேயிருக்கிறார்கள். பக்தன் பாபாவின் பாதங்களில் தலைசாய்ப்பது உடலளவில் செய்யப்படும் மரியாதையே. பக்தன், தான் பாபாவோடு ஒன்றியவன் என்ற எண்ணத்திலேயே பாபாவை வழிபடுகிறான். பாபாவும் பக்தனை தன்னில் ஒன்றியவன் என்றே வழிபாட்டை ஏற்றுக்கொள்கிறார். இவ்வாறான பரஸ்பர அன்பை பக்தன் புரிந்துகொள்ளவேண்டும்.

பாபாவின் வழிமுறை

வெல்லம் இனிப்புதான்; சந்தேகமேயில்லை. ஆனால், அது நோயாளியின் உடல்நலத்துக்குக் கெடுதல் விளைவிக்கும். உண்மை இவ்வாறிருப்பினும், நோயாளி வெல்லம் பெறாமல் கஷாயத்தைக் (மருந்து) குடிக்கமாட்டேன் என்று பிடிவாதம் பிடிக்கிறார். கையில் முதலில் வெல்லக்கட்டி வைக்கப்பட வேண்டும். வெல்லத்தின் கெடுதலை முறியடிக்கும் வகையில், கஷாயத்தில் வெல்லத்தின் முறிவுமருந்தையும் சேர்த்துக் கஷாயத்தின் குணப்படுத்தும் சக்தி குறையாதவாறு வைத்தியர் செய்துவிடுகிறார். பாபாவின் வழிமுறையும் இவ்வாறே!     

நேரடி தரிசனம்

பாபாவின் நிழற்படத்தை தரிசனம் செய்வது அவரை நேரடியாக தரிசனம் செய்வதற்கு சமம். ஆனால், எண்ணம் மட்டும் பூரணமாக இருக்கவேண்டும்.

இன்னல் தரும் நிகழ்ச்சிகளும் விலகும்

எதெல்லாம் நடக்கவேண்டுமோ, அதெல்லாம் அதன்வழி நடக்கட்டும். ஆனால், நம்முடைய நல்வாழ்வு பாபாவை பற்றிய சிந்தனையில்தான் இருக்கவேண்டும். அப்படியிருக்க, விதியால் நிர்ணயிக்கப்பட்ட விபத்துக்களும் இன்னல் தரும் நிகழ்ச்சிகளும் விலகும்.! இளகிய மனம் படைத்த சாயி பக்தர்களின் எண்ணங்களைக் கண்டு அவர்களுடைய நம்பிக்கை (பக்தியை) பாராட்டும் வண்ணம் ஒன்றன்பின் ஒன்றாகச் சீரிய அனுபவங்களை அளிக்கிறார்.

காப்பாற்ற ஓடிவருகிறார்

ஒருமுறை பாபாவை அன்புடன் நோக்கினால், அவர் ஆயுள் முழுவதற்க்கும் நம்முடையவர் ஆகிவிடுகிறார். உண்மையான அன்பைத் தவிர நம்மிடம் அவர் வேறெதையும் எதிர்பார்ப்பதில்லை. நாம் கூப்பிடும்போது காப்பாற்ற ஓடிவருகிறார். அந்நேரத்தில் காலமோ, நேரமோ அவருக்குக் குறுக்கே நிற்கமுடியாது. சதாசர்வ காலமும் அவர் நமக்குப் பின்னால் உறுதியாக நிற்கிறார். அவர் எங்கு, எவ்வாறு, எந்த விசையை இயக்குவார் என்று நமக்குத் தெரியாது. அவருடைய செயல்கள் புரிந்துகொள்ளமுடியாதவை.

நாம் பொம்மைகளே

குணம் (சிறப்பாக) தெரிந்தால் அது சாயி-யினுடையது. குணத்தில் பிழை ஏதாவது இருப்பினும் அதுவும் அவருடையதே! நாம் பாபாவின் கையிலிருக்கும் பொம்மை. நூல்களின் இழுப்புக்கேற்ப நடனமாடுகிறோம். நூல்கள் அனைத்தும் பொம்மலாட்டக்காரரின் கைகளில் இருக்கின்றன. கதைக்கேற்றவாறு பலவிதமான வண்ணங்களிலும், உருவங்களிலும் உள்ள விசித்தரமான பொம்மைகளை கதாபாத்திரங்களாக்கி நடிக்கவைக்கிறார்.     

என் மீது ஏவுக

காமம் எழும்போது என் விஷயமாக காமப்படு. கோபம் வரும்போது கோபத்தை என்மீது காட்டு.  மனத்துள்  தோன்றும் கேட்ட எண்ணங்களையும், விருப்பமில்லாமல் வலிய நிகழ்த்தும் செயலையும் பக்தர்கள் என்னுடைய பாதங்களை நோக்கியே செலுத்தட்டும். காமம், கோபம், கேட்ட எண்ணங்கள் போன்ற இயற்கையான உணர்ச்சிகள் பொங்கி எழும்போது என்னைக் குறியாக ஆக்கி அவற்றை என் மீது ஏவுக.

புலன்கள் விருப்பம் வலுவிழந்துவிடும்

இவ்வுலகம் அழியும்வரை புலன்கள் அவற்றுக்குரிய நாட்டங்களால் ஈர்க்கப்பட்டே தீரும்; இதைத் தடுக்க இயலாது. ஆனால், அந்த நாட்டங்களை பாபாவின் பாதங்களில் சமர்ப்பித்துவிட்டால் அவை இயற்கை ஆகவே வலுவிழந்துவிடும்.  

சுகமாகிவிடும்;பக்கீர் தயாளகுணமுள்ளவர்

அப்போது சுமார் இரவு 7 மணி இருக்கலாம். சாமாவின் சுண்டுவிரலை தீடிரென்று ஒரு நாகம் தீண்டிவிட்டது. கையில் விஷம் ஏறி எரிச்சல் எடுத்தது. சாமா மசுதிக்கு ஓடினார். சாமாவைக் கண்டதும் பாபா படியேறவும் விடாது திட்டினார்; சாபமிட்டார். "ஒ சாமா (பாபா கூறியது இங்கே விஷத்தை) ! ஏறாதே ஏறாதே, ஏறினால் தெரியும் சேதி! போ வெளியே உடனே ! இறங்கி ஓடு!" என கர்ஜனை செய்தார். பாபாவின் கோபம் சாமாவுக்கு வியப்பை அளித்தது. சற்றும் எதிர்பாராத நெருப்பைகக்கும் சொற்கள் வெளிவந்தன. சிறிது நேரம் கழித்து பாபா சொன்னார். "தைரியத்தை இழந்துவிடதே; உன் மனத்தில் எந்தவிதமான கவலையும் வேண்டாம்; சுகமாகிவிடும்; கவலையை விடு. பக்கீர் தயாளகுணமுள்ளவர்;உன்னை ரட்சிப்பார்"              

என்னை கேள்வி கேள்

நீ எங்கு இருக்கின்றாயோ அங்கேயே இருந்துகொண்டு என்னை கேள்வி கேள் ! தேவையில்லாது எதற்காகக் காட்டிலும், வனத்திலும் திரிந்து விடைகளைத் தேடுகிறாய்? நான் உன்னுடைய ஞான நாட்டத்தை திருப்தி செய்கிறேன். அந்த அளவிற்கு என்னை நம்புவாயாக.- நான் அனைவருள்ளும் வியாப்பித்திருக்கிறேன். நான் இல்லாத இடமே இல்லை. பக்தர்களுக்காக நான் எங்கும் , எப்படியாவது தோன்றுவேன்.       

பாபாவின் வழிகள் எண்ணிலடங்கா

ஒருவருக்கு ஒன்று, மற்றொருவருக்கு வேறு. தீஷை (உபதேசம்) அளிக்கும் வழிகள் எண்ணிலடங்கா. ஒருவரை தம்முடைய காலடியிலேயே கிடக்கச்சொன்னார். அச்சமயத்திலேயே மற்றொருவரை கண்டோபா கோவிலுக்கு அனுப்பினார். குடிப்பழக்கத்திற்கு அடிமையான ஒருவரின் கனவிலும் தோன்றினார். அவருடைய மார்பில் அமர்ந்துகொண்டு கைகளாலும், கால்களாலும் அவரை அமுக்கினார். குடிகாரர் தம்முடைய கைகளை காதுகளில் வைத்துக்கொண்டு இனி மதுவை தொடமாட்டேனென்றும் அறவே விட்டுவிடுவேன் என்றும் சத்தியம் செய்த பின்னரே அவரை விடுதலை செய்தார்.        

வினை விதைத்தவன் வினை அறுப்பான்

இறைவனின் அருள் இருந்தால் உட்கார்ந்த இடத்திலேயே சுண்டுவிரலைக் கூட அசைக்காமல் நான் அனைத்தையும் பெறுவேன் என்னும் பழமொழி சந்தேகமில்லாமல் உண்மையே. ஆனால், அது உணவுக்கும், உடைக்கும் மட்டும் தான் பொருந்தும். பாபாவை பொறுத்தவரையில் இந்த விதியை பொருத்த முயல்பவன் எவ்வித முன்னேற்றமும் இன்றி ஏமாறிப்போவான். 'தினை விதைத்தவன் தினை அறுப்பான்; வினை விதைத்தவன் வினை அறுப்பான்' இது பாபாவின் விலைமதிக்கமுடியாத உபதேசம்.       

மஹத்தான அன்பு

தாய் ஆமை ஆற்றின் ஒரு கரியில் இருக்கிறது. குட்டிகளோ மறுகரையில் மணற்பரப்பில் இருக்கின்றன; அவை தாய் ஆமையின் பார்வையாலேயே வளர்க்கப்படுகின்றன. தாய் ஆமையின் அன்பான கடைக்கண் பார்வையே குட்டி ஆமைகளுக்குத் திருப்தியும், சந்தோஷமும் கொடுக்கும். இதுவே பாபா நம்மிடம் காட்டும் மஹத்தான அன்பும், பெருமை கூட. 

மனத்தின் இனிய விருப்பங்கள்

அல்லவே எஜமானர்; அல்லவே எஜமானர்! அவரைத் தவிர துன்பங்களிலிருந்து விடுதலை அளிப்பவர் வேறு எவரும் இல்லை. அவருடைய செய்கைகள் உலகியலுக்கு அப்பாற்பட்டவை; விலைமதிப்பற்றவை; கற்பனைசெய்து பார்க்கமுடியாதவை! அவர் நினைப்பதே நடக்கும்; அவரே வழியைக் காட்டுவார். நம்முடைய மனத்தின் இனிய விருப்பங்கள் ஒரு கணமும் தானதமின்றி நிறைவேறும் நாள் வரும்.     

மனமே விரோதி

நம்முடைய மனமே நமக்கு விரோதி என்பதும், பரம விரோதியும் செய்ய நினைக்காத கெடுதல்களையும் உற்பத்தி செய்யும் என்பதும், எல்லோருக்கும் நிச்சயமாகத் தெரியும். மற்றவர்களுக்கு நமது எண்ணங்கள் தெரியாமல் இருக்கலாம். மகாராஜரான பாபாவுக்கு உடனே தெரிந்துவிடும்.     

மனம் ஒருமுகப்படுத்தல்

நம் மனத்தில் குதர்க்கமான எண்ணங்கள் எழலாம். அவற்றை அறவே விடுத்து, பாபாவின் பாதங்களின்மேல் மனத்தைச் செலுத்தினால், மனம் ஒருமுகப்படுத்தல் விருத்தியடையும். ஒருமுகப்பட்ட மனத்தில் சாயி சிந்தனை பின்தொடரும். இதைத்தான் சாயி நம்மைச் செய்யவைக்கிறார். எடுத்த காரியமும் தடங்கலின்றி நிறைவேறுகிறது.

தாராளமாக பொறுத்துக்கொள்வோம்

நடப்பதை தாராளமாக பொறுத்துக்கொள்வோம் அது சந்தோஷமாக இருந்தாலும் சரி, கசப்பான செயலாக இருந்தாலும் சரி. அல்லாமாலிக் நம்மை காப்பவர். நடப்பதை சுமப்பவரும் அவரே.
 

சாயி மாதா ஆதரித்தார்

யாருக்கு பொறுப்பாளரோ, பாதுகாப்பாளரோ இல்லையோ, அவரையே சாயி மாதா ஆதரித்தார். இடுக்கண்ணில் மாட்டிக்கொண்டவர்களும், துன்பப்படுபவர்களும், வேண்டாமென்று ஒதுக்கப்பட்டவர்களும் மசூதியில் புகலிடம் கண்டனர்.     

தியாக பூர்வமான மனத்துடன் ஏற்றுக்கொள்

'நான்', 'என்னுடையது' என்னும் உணர்வுகளை அறவே ஒழித்துவிட்டு இறைவன் அளிப்பதை தியாக பூர்வமான மனத்துடன் ஏற்றுக்கொள். எவருடைய உடமைக்கோ, சொத்துக்கோ ஆசைப்படாதே.   

எதிர்மறைச் சிந்தனை

தூய்மையற்ற எதிர்மறையான எண்ணங்களை தோற்றுவித்தல், பொய்யை மெய்யென்று அறிதல், மெய்யைத் திரைபோட்டு மறைத்தல், இம்முன்றும் மனம் செய்யும் தவறுகளாகும். பலனைக் கருதாது செய்யப்படும் செயல்கள் எதிர்மறைச் சிந்தனைகளையும் நாட்டங்களையும் விலக்கிவிடும்.    

தலையாய கடமை

மனிதன் அடிக்கடி தானதர்மங்கள் செய்யவேண்டும். பசிப்பிணியைக் களைவதையே முக்கியமான தானமாகக் கருதவேண்டும். தினமும் அன்னதானம் செய்வதை தலையாய கடமையாகக் கொண்டு வாழவேண்டும்.  

எங்கும் நிறைந்தவர்

பாபாவின் பக்தர்களுக்கு "உடல்தான் நான் (பாபா)" என்னும் உணர்விருக்கும்வரைதான் பக்தர்களுக்கு மனித வடிவில் தேவைப்படுகிறார். "நான்(பாபா) கேவலம் இவ்வுடல் அல்லேன்" என்னும் விழிப்பை பெற்றவருக்கு நிராகாரமான (உருவமில்லாத) பாபாவே தேவையை நிறைவேற்றுகிறார். ஸ்ரீ சாயி சத்ச்சரித்ரா. 

சர்வம் சாயிமயம்

சர்வம் சாயிமயம் என்ற எண்ணம் உன்னில் இருந்தால் நான் தனியாக எங்கிருக்க முடியும்? உன் இதய பீடமே என் இருப்பிடம். ஷிர்டி சாய்பாபா

ஆன்மீக போதனை

மக்கள் அன்றாடம் பேசும் எளிய மொழியில் பேசியே ஆன்மீகத் தத்துவங்களை உபதேசித்தார் பாபா. யாருடைய குறையையும் , ரகசியத்தையும் சுட்டிக்காட்டாது, ஆன்மீக போதனை அளித்து பக்தர்களை மகிழ்வித்தார். 

சிட்டுக்குருவியின் காலில்..

"என்னுடைய பக்தன் (மனிதன்) வேறு தேசத்திலிருந்தாலும் சரி, ஆயிரக்கணக்கான மயில்களுக்கு அப்பால் இருந்தாலும் சரி, சிட்டுக்குருவியின் காலில் நூல்கட்டி இழுப்பதுபோல் அவனை என்னிடம் கொண்டு வந்து சேர்பேன்" ஷிர்டி சாய்பாபா    

100 மடங்கு கொடுக்கிறேன்

உன் கடமைகளை நீ செய், உன் கரங்களால் வேலை செய், வாயினால் பேசு, கண்களால் பார், அவ்விதமாக உன் தேவைகளை பூர்த்திசெய்துகொள். மனத்தை மட்டும் என்னிடம் லயமாக்கு. உன் சிரமத்திற்கு அதிகமாக 100 மடங்கு நான் கொடுக்கிறேன். ஷிர்டி சாய்பாபா    

மசுதி

இந்த மசுதியின் கதவுகள் யாருக்காகிலும், எப்போதும் திறந்தே இருக்கும்.
-ஷிர்டி சாய்பாபா

சேவை

நாம் பாபா மீது அன்பு  செலுத்தினால், இப்போதுள்ள கஷ்டத்தை பொறுத்துக் கொள்கிறவர்களாக இருந்து, அவர் நமக்கு பதில் தரும் வரை காத்திருப்போம். அவர் மீது உண்மையாக அன்பு செலுத்தினால், நமது தேவையை மட்டுமே நாடாமல் அவருக்குச் சேவை செய்வதற்கு முன்னுரிமை கொடுப்போம். ஸ்ரீ சாயி தரிசனம்  

இதயத்தில் காயம் உண்டாகாதே

யாராவது பண உதவி கேட்டோ, பசியின் காரணமாக உணவு கேட்டோ, அல்லது உடைக்காகவோ,அல்லது இருக்க இடம் கேட்டோ உன்னிடம் வரலாம்.ருணானுபந்தம் இருந்தாலொழிய ஒருவரிடம் மற்றவர் வரமாட்டார். அப்படி யாராகிலும் வந்தால், உன்னால் முடிந்தால் உதவு, இல்லையேல் மிருதுவான மொழியில் பேசி அனுப்பிவிடு, கண்டிப்புடன் பேசி அவர்கள் இதயத்தில் காயம் உண்டாகாதே. ஷிர்டி சாய்பாபா