Thursday, February 28, 2019

வெறும் கையுடன் போகக்கூடாதே !

பாபுஸாஹேப்ஜோக் என்பவர் கோபர்கானில் வசித்த ஸ்ரீஸஹாராம் மஹாராஜின் பக்தர்.  பாபாவுக்கும் மிக நெருங்கிய பக்தர்களில் ஒருவர்.  இவர் அடிக்கடி ஸ்ரீஸஹாராம் மஹாராஜின் மடத்திற்கு போவதுண்டு.  அங்கு நடக்கும் தியானத்திலும் பூஜைகளிலும் தவறாமல் கலந்து கொள்வார்.  அந்த மடம் அமைதியான கிராமச் சூழலில், மரங்கள் செடி கொடிகள் என ஒரு நந்நதவனமாய் காட்சி தரும் அழகான இடம்.  அதில் எப்போதும் பட்டுப்போகாத  ஓங்கி வளர்ந்த இரண்டு மாமரங்களும் உண்டு.

Image may contain: 1 person
ஞானிகள் ஒவ்வொருவருக்கும் எப்போதும் ஆத்மார்த்தமான தொடர்பு உண்டு.  அந்த வகையில் சாயிபாபாவும் ஸ்ரீஸஹாராம் மஹாராஜாவும் ஒருவருக்கொருவர் ஆத்மாவில் நட்புள்ள நண்பர்கள்.

ஒருமுறை பாபுஸாஹேப்ஜோக் ஸ்ரீஸஹாராம் மஹாராஜின் தரிசனத்திற்காக அவரது மடத்திற்கு சென்றிருந்தார்.  தரிசனம் முடிந்ததும் ஷீரடிக்குச் செல்லலாம் என நினைத்த ஜோக்,  "ஸத்குருவைப் பார்க்கப் போகும்போது வெறும் கையுடன் போகக்கூடாதே !" என்று யோசித்தார். ‌அந்த நேரம் மஹாராஜின் மடத்தில் இருந்த மாமரத்திலிருந்த ஒரு பழத்தை பறித்தார்.  பறித்த பின்தான் தெரிந்தது அது 
பழமல்ல காயென்று !.

இருப்பினும் அதை எடுத்துக் கொண்டு ஷீரடிக்கு கிளம்பினார் ஜோக்.  "கோபர்கான் மாமரத்துப் பழத்தை பாபா விரும்பி சாப்பிடுவாரே !  இப்படி அவசரப்பட்டு நான் பறித்தது மாங்காயாய் போய்விட்டதே! "  என்று நினைத்துக் கொண்டே பயணித்த ஜோக்,  வழியில் மாம்பழம் விற்றுக் கொண்டிருந்ததைக் கண்டதும் சந்தோஷமாக நல்ல பழுத்த மாம்பழங்கள் இரண்டை 
வாங்கிக் கொண்டார்.

நேராக மசூதிக்கு சென்ற ஜோக்,  தான் வாங்கிய பழுத்த மாம்பழங்களை பாபாவிடம் சமர்ப்பித்தார்.  அப்போது பாபா , "அந்த கோபர்கான்  பழத்தை எடு !"   என்று  ஸ்ரீஸஹாராம் மஹாராஜ் மடத்தில் பறித்த அந்த மாங்காயை கேட்டு வாங்கி கண்களில் நீர் பெருக அதை உற்றுப் பார்த்துவிட்டு, "ஜோக் !  இதைத் துண்டுகளாக்கி எல்லோருக்கும்  
கொடு !" என்றார்.

பாபாவிடமிருந்து பணிவுடன் அந்த மாங்காயை  வாங்கிய ஜோக் , அதை துண்டுகளாக்கி எல்லோருக்கும் கொடுத்து தானும் சாப்பிட்டார்.  அது பழுத்த மாம்பழத்தைவிட தேனாக இனித்தது கண்டு அனைவரும் வியந்தனர்.

http://www.shirdisaibabasayings.com
http://www.facebook.com/shirdisaibabasayingsintamil

Wednesday, February 27, 2019

பாபாவின் அருளால் நிச்சயமாக நல்லதே நடக்கும்

Image may contain: 1 person

சுலோச்சனா கல்லூரி மாணவி.  வித்யா நகரில் பெற்றோரோடு வசித்து வந்தார்.  அவரது தந்தை ஒரு பர்லாங் தூரம் நடந்தால் கூட கால்கள் வீங்கிக் கொள்ளும்.  இந்த நோயினால் அவர் பெரிதும் துன்பப்பட்டார்.   ஹோமியோபதி, ‌அலோபதி என எல்லாவிதமான வைத்தியம் பார்த்தும் எந்தவொரு பயனும் தரவில்லை.

ஒரு வியாழக்கிழமை பரத்வாஜா சுவாமிகளின் சாயிபாபா பஜனையில் கலந்து கொள்ளச் சென்ற  வித்யாவின் தாயார்,  தனது கணவருக்கு இருக்கும் நோயைப் பற்றிக் கூறி மிகவும் வருத்தப்பட்டார். 

அதைக் கேட்ட பரத்வாஜர்,  "அம்மா !  தாங்கள் ஏற்கனவே தங்கள் வீட்டிலிருந்த பழைய சாயிபாபா படம் ஒன்றை சினேகிதரிடம் கொடுத்து விட்டதாகக் கூறியிருந்தீர்கள்!  அது ஞாபகமிருக்கிறதா?  முடிந்தால் அவருக்கு புதியதாக பாபா படம் ஒன்றை வாங்கிக் கொடுத்துவிட்டு , நீங்கள் கொடுத்த அதே பழைய பாபாவின் படத்தை திருப்பி வாங்கி,  வீட்டில் பாபா இருந்த பழைய இடத்திலேயே அந்த படத்தை மாட்டி பூஜை செய்து வாருங்கள்.  சாயி சரித்திரத்தையும் தினமும் பாராயணம் செய்து பாருங்கள்.  பாபாவின் அருளால் நிச்சயமாக நல்லதே நடக்கும்  !" என்றார்.

உடனடியாக சுலோச்சனாவும் அவரது தாயாரும் பாபாவின் புதிய படமொன்றை வாங்கி அந்த நண்பருக்கு கொடுத்துவிட்டு, "பழைய பாபாவின் படத்தை திருப்பி வாங்கி வந்து வீட்டில் ஏற்கனவே இருந்த அதே இடத்தில் மாட்டி பூஜை செய்ய ஆரம்பித்தார்கள்."

சுலோச்சனாவின் தந்தை அதுபற்றிக் கேட்க,  "அப்பா !  பாபா எத்தனையோ பேரின் வியாதிகளை தனது அருட்பார்வையினாலே குணப்படுத்திய மகான்.  அவரின் பாதம் பணிந்து சத்சரித்திரம் படித்து அவரை வேண்டிக் கொள்ளாவிட்டால் நஷ்டம் உங்களுக்குத்தான்!" என்றாள் வித்யா.

அவரும், "சரி அம்மா! உனக்காக பாபாவிடம் பிரார்த்தனை செய்கிறேன்.  சத்சரித்திரமும் படிக்கிறேன்.  கால்வலி தீர்ந்துவிட்டால் ஷீரடிக்கு போகலாம் !"  என்றார்.  என்ன ஆச்சர்யம்!  படிப்படியாய் கால்வலி குணமாகி, ஒரே மாதத்தில் முற்றிலுமாக தீர்வு கிடைத்தது.  ஒரு பர்லாங் என்ன,  ஒரு கிலோமீட்டர் நடந்தாலும் கால்கள் வீங்கவில்லை. 

பாபாவின் அற்புதத்தை நினைவுகூர்ந்து வேண்டிக் கொண்டபடி குடும்பத்தோடு ஷீரடிக்குச் சென்று பாபாவிடம் நன்றிக்கடனை சமர்ப்பித்தனர்.  அதன்பிறகு வியாழக்கிழமை மட்டுமல்ல, நாள் தவறாமல் வீட்டில் பாபாவை பூஜித்தனர்.

http://www.shirdisaibabasayings.com
http://www.facebook.com/shirdisaibabasayingsintamil

Tuesday, February 26, 2019

"உன் பணி தொடரும் ! அஞ்சாதே!"

shirdi sai baba eyes photos க்கான பட முடிவு

திரு.மெஹரோத்ரா என்பவர் பரெய்லி பேங்கில் ஏஜண்டாகப் பணி புரிந்தார்.  அவருடைய போதாத காலம்,  திடீரென மேனேஜ்மென்ட் எடுத்த தவறான முடிவால் அவர் சஸ்பெண்டு செய்யப்பட்டார். 

மனதால் விரக்தி அடைந்த மெஹரோத்ரா ,  வியாழக்கிழமை அன்று கல்கத்தா சாயி சமாஜத்தில் நடைபெற்ற பாபாவின் பூஜையில் கலந்துகொண்டார்.

 அதன்பின் அங்கிருந்தே கிளம்பி ஷீரடிக்கும் சென்றார்.  சமாதி மந்திரிலும்,  துவாரகாமாயியிலும் பாபாவை  சாஷ்டாங்கமாக விழுந்து வணங்கி , "பாபா !  நீங்கள் அந்தர்யாமி!  உங்களுக்குத் தெரியாதது எதுவும் இல்லை!  என்னைக் காப்பாற்றுங்கள் !  எனக்கு வேறு ஏதாவது ஒரு வேலை கொடுத்து அருளுங்கள் !"  என்று மனமுருகப் பிரார்த்தித்தார்.  அந்த இரண்டு நாட்களும் ஷீரடியிலேயே தங்கினார்.

மறுநாள் காலையில் அவர் தூங்கி எழுந்தபோது,       அவரருகில் ஒரு துண்டு சீட்டு இருந்தது.  அதில், "உன் பணி தொடரும் !  அஞ்சாதே!"  என்று எழுதியிருந்தது.  ஆச்சர்யத்துடன் அந்த துண்டு சீட்டை எடுத்து கண்களில் ஒற்றிக் கொண்டு தன் சட்டைப் பையில் பத்திரமாக வைத்தார்.

அதன்படி அவர் ஊர் திரும்பியதும் தியோரியா என்ற இடத்தில் அவரை ஏஜண்டாக நியமிக்கப்பட்டடிருப்பதாக அதே  கம்பெனியிலிருந்து தபால் வந்தது.  அதைப் பார்த்ததும் மன நிறைவுடன் பாபாவுக்கு நன்றி கூறினார்.

http://www.shirdisaibabasayings.com
http://www.facebook.com/shirdisaibabasayingsintamil

Monday, February 25, 2019

அயராத கண்காணிப்புடன் கூடிய பாபாவின் பார்வை


பாபாவின் அருட்கரங்களால் அளித்த ஒரு விபூதிப் பொட்டலத்தை ஷாமா தன் வீட்டு பூஜையறையில் பத்திரமாக வைத்திருந்தார்.  ஒருமுறை அவர் வீட்டை பழுதுபார்த்து வெள்ளையடிக்கும் வேலை நடைபெற்றது.  அந்த சமயம் அவர் வேலை விசயமாக பம்பாய்க்கு செல்ல வேண்டிய கட்டாயம் ஏற்பட்டதால் அங்கு சென்றுவிட்டார்.

அன்று இரவு பாபா ஷாமாவின் கனவில் தோன்றி, "ஷாமா!  நீ பாதுகாத்த என் உதிப்பொட்டலம் உன் வீட்டுக்கருகிலுள்ள  குப்பைத் தொட்டியில் கிடக்கிறது.  உடனே வீட்டுக்குச் சென்று அதை பாதுகாத்து வை !"  என்றார்.

ஷாமா உடனடியாக பம்பாயிலிருந்து கிளம்பி வீட்டுக்குத் திரும்பினார்.  பூஜையறை பழுது பார்க்கப்பட்டு படங்களெல்லாம் மாட்டப்பட்டிருந்தன.  பூஜைப் பொருட்களில் பலவும் இடம் மாற்றி வைக்கப்பட்டிருந்தன.  ஆனால்  பாபாவின் உதிப்பொட்டலத்தை மட்டும் காணவில்லை. 

விரைந்து சென்று வீட்டுக்கு பக்கத்திலிருந்த குப்பைத் தொட்டி அருகே தேடினார்.  அதிர்ஷ்டவசமாக உதிப்பொட்டலம் கிடைத்தது.  அதை பயபக்தியுடன் எடுத்து வந்து கண்களில் ஒற்றி, "எங்கள் தவறுகளின் அறியாமையை மன்னித்து விடுங்கள் பாபா !" என்று கூறி மீண்டும் பூஜையறையில் பாபாவின் படத்தின் முன் பத்திரமாக வைத்தார்.

"அயராத கண்காணிப்புடன் கூடிய எனது பார்வை என்னை நேசிப்பவர்கள் மீது எப்போதும் இருக்கும்."  என்ற பாபாவின் கூற்று இதன் மூலம் தெளிவாகிறது.  

http://www.shirdisaibabasayings.com
http://www.facebook.com/shirdisaibabasayingsintamil

Sunday, February 24, 2019

உன் நம்பிக்கை வீண்போகாது !

Image may contain: 1 person, smiling, text

1956-ம் வருடத்தில் பம்பாய்க்கருகில் கிராமத்தில் வசித்து வந்த பதினாறு வயது பையன் ஒருவனுக்கு இளம்பிள்ளை வாத நோயால் கால்கள் நடக்க முடியாமல் அவதிப்பட்டான்.  தன்னுடைய  மகனின் இந்த ஆதரவற்ற நிலைமையை வருவோர் போவோரிடம் சொல்லி புலம்பிக் கொண்டிருந்தார் அவரது தாயார். " அம்மா !  ஷீர்டியில் உள்ள சாயிபாபாவின் சமாதிக்கு தங்களின் மகனை அழைத்துச் செல்லுங்கள் ! நம்பிக்கையுடன் வேண்டிக் கொள்ளுங்கள் அம்மா !  அவர் நிச்சயம் அருள்புரிவார் !"  என்று ஒருவர் கூற,  உடனே மகனை ஷீரடிக்கு அழைத்துச் சென்றார்.

ஒரு ஆளை கூலிக்கு அமர்த்தி தன்னுடைய மகனை தூக்கிக் கொண்டு தினமும் பாபாவின் சமாதியை பிரதட்சணம் செய்ய வைத்தாள்.  சம்பந்தமில்லாத கூலியாளை வைத்து தன்னை பிரதட்சணம் செய்ய வைப்பது அந்த பையனுக்கு தொந்தரவாக நினைத்தான்.

"அம்மா ! என்னை வயிற்றிலே சுமந்த நீங்களே எனக்காக பிரதட்சணம் செய்யக் கூடாதா?" என ஏக்கத்துடன் தன் அம்மாவிடம் கேட்டான்.  அதற்கு அவன் தாயார், "எனக்கு வயதாகிவிட்டதே மகனே!  எப்படி உன்னை தூக்கமுடியும்?" என்று வருத்தத்துடன் கூறினாள்.

இருப்பினும் அந்த பையன்,  தான் தங்கியிருந்த அறையிலேயே பாபாவை நினைத்து தியானம் செய்ய ஆரம்பித்தான்.

ஒருநாள் பாபா அவன் முன் தோன்றி அவனைத் தூக்கிக் கொண்டு சமாதி மந்திருக்கு அழைத்துச் சென்றார்.  தன் சமாதிக்கருகில் இருந்த தூணில் அவனை சாய்ந்து நிற்க வைத்துவிட்டு மறைந்தார்.  அங்கே இருந்த அவன் தாயார் "தன் மகன் யாருடைய உதவியுமின்றி  மெதுவாக நடந்து வருவதையும், தூணில் சாய்ந்து நிற்பதையும்"  கண்டு அதிசயித்தாள்.

அவள் தன் மகனிடம் ஓடோடிச் சென்று,  "யார் அழைத்து வந்தார் உன்னை?  எப்படி வரமுடிந்தது?" எனக் கேட்டாள்.  அதற்கு அவன்,  "பாபாதான் அழைத்து வந்தாரம்மா !  அவரே என்னுடைய கால்களை தடவிவிட்டு,  'உன் நம்பிக்கை வீண்போகாது !' என்று சொல்லி மறைந்துவிட்டார் அம்மா!" என்றான்.

ஆனாலும் அவனது தாயாரால், "பாபாதான் அழைத்து வந்தார் என்பதை நம்பவில்லை !  தன் மகன் மெதுவாக நடப்பதைப் பார்த்து அவன் சொல்வதை நம்பாமலும்  இருக்க முடியவில்லை!". 

பாபா எப்போதும் தனது  பக்தர்களின் நம்பிக்கையை பொய்யாக்கமாட்டார்.

http://www.shirdisaibabasayings.com
http://www.facebook.com/shirdisaibabasayingsintamil

Saturday, February 23, 2019

ஷீரடி சாய்பாபா உதியின் மகிமை

No photo description available.

கும்பகோணத்தில் வசித்த ஆர்.எஸ். மணி அய்யரின் பெண் மகள் பிறவி ஊமை.  அவரின் பக்கத்து வீட்டு உறவுக்காரர் ஒருவரான தீபக் என்பவர் பம்பாயிலிருந்து அங்கு வந்திருந்தார்.  அவர் மணி அய்யரோடு பழகியதில் அவரது மகளின் துயரம் தெரிய வந்தது.

தீபக், மணி அய்யரிடம் ,  "அய்யா ! என் தமையன் மகள் மீது கார் மோதிவிட்டது.  பதினைந்து நாட்கள் தொடர்ந்து ஆஸ்பத்திரியிலேயே இருந்து சிகிச்சை பெற்றதில் அவளுடைய காயங்கள் ஆறிவிட்டன.  ஆனால் அவளால் பேச முடியவில்லை.  பேச்சு வராமல் போனது.  மருத்துவம் தோற்றுப் போனது. வீட்டில் அனைவரும் அவள் நிலைமையைப் பற்றி வருத்தத்தில் இருந்தபோது, யாரும் எதிர்பாராத விதமாக சீரடியில் இருந்து நேரடியாக எங்கள் வீட்டிற்கு வந்த எனது தந்தையின் வயதான நண்பர் அவர் கையிலிருந்த உதியை அவளின் கழுத்திலும் நெற்றியிலும் பூசி விட்டு, அவளுடைய வாயைத் திறக்க சொல்லி நாக்கிலும் போட்டு விட்டார். அடுத்த ஒருசில நொடிகளிலேயே அவளுக்கு பேச்சு வந்துவிட்டது.  அனைவரும் ஆச்சரியத்துடன் புல்லரித்துப் போய் ஆத்மார்த்தமாக பாபாவுக்கு நன்றி 
கூறினோம் !" என்றார்.

மேலும் அவர், "எனவே நீங்களும் பாபா வீட்டில் வைத்து வியாழக்கிழமை தோறும் பஜனை செய்யுங்கள்.  முடிந்தபோது கட்டாயம் உங்கள் மகளை ஷீரடிக்கு அழைத்துச் செல்லுங்கள்.  அங்கு அவளை பாபாவின் சமாதிக்கு பூஜை செய்ய வையுங்கள்.  கல்லறையில் இருந்தாலும் கருணை புரிபவர் பாபா !" என்றார்.

தீபக்கின் வார்த்தைகளை பாபாவின் அசீரிரீயாக நிச்சயித்துக் கொண்ட மணி அய்யர், வியாழன் தோறும் தனது வீட்டில் பாபா பஜனை செய்யத் தொடங்கினார்.  

அடுத்த மாதமே மகளை அழைத்துக் கொண்டு குடும்பத்துடன் ஷீரடிக்குச் சென்று பாபாவின் சமாதிக்கு பூஜை செய்ய வைத்தார்.

பூஜை முடிந்ததும் மணி அய்யரின் மகள் கேட்ட முதல் வார்த்தை , "சாயிபாபா வாழ்ந்த இடமான துவாரகாமாயிக்குப் போக வேண்டாமா?" என்பதுதான்.  ஊமையாய் இருந்த அவள் பேசியதைக் கேட்டதும் அனைவரும்  
பேச்சற்று நின்றனர்.


http://www.shirdisaibabasayings.com
http://www.facebook.com/shirdisaibabasayingsintamil

Thursday, February 21, 2019

ஷீரடி சாய்பாபாவின் எங்கும் நிறை தன்மை

Image may contain: 1 person, closeup

காட்ஜ்பட்டீல் என்பவர் தீவிரமான சாயி பக்தர்.  நேரம் கிடைக்கும் போதெல்லாம் அவர் ஷீரடிக்கு சென்று பாபாவைத் தரிசிப்பது வழக்கம்.  ஒருமுறை அந்த மாதக்கடைசியில் ஷீரடிக்கு போகலாம் என தீர்மானித்து வைத்திருந்தார்.  ஆனால் திடீரென அவருக்கு தொலைதூர ஊருக்கு உத்யோக மாற்றல் ஆணை வந்தது. அந்த ஆணையில்  எந்த தாமதமுமின்றி உடனடியாக பணியில் சேரவும் உத்தரவிட்டிருந்தது.

ஆகவே பாட்டீல் அவசரமாக கிளம்பவேண்டிய நிர்ப்பந்தம் ஏற்பட்டதால்,  ஷீர்டி பயணத்தை அரை மனதுடன் தவிர்த்துவிட்டு மாற்றல் ஆன ஊருக்கு ரயிலில் புறப்பட்டார்.  

அவர் பயணித்த ரயில் கோபர்கானில் நின்றபோது,  ஷீர்டி இருந்த திசையை நோக்கி பார்த்தபடி , "பாபா !  தங்களின் தரிசனம் கிடைக்கவில்லையே !"  என்று ஏங்கி துக்கம் தொண்டையை அடைத்து கண்களை மூடியபடி கலங்கினார்.  

ரயில் புறப்படும் போது கண்களைத் திறந்த பாட்டீல்,  அவர் உட்கார்ந்திருந்த ஜன்னல் கதவில் ஒரு பொட்டலம் இருந்ததைக் கண்டார். பிரித்துப் பார்த்தால் அது "பாபாவின் உதிப்பொட்டலம் !"   ஆச்சர்யம் கலந்த மகிழ்ச்சியில் சுற்றும் முற்றும் பார்த்தார்.  யாரும் இல்லை.

மூன்று மாதங்கள் கழித்து ஷீரடிக்கு சென்று மசூதியில் பாபாவைத் தரிசனம் செய்தார்.  அப்போது பாபா அருகிலிருந்தவர்களிடம் , ''இவன் என்னைப் பார்க்க முடியவில்லையே என்று வருத்தப்பட்டான் !  அதான் ரயிலுக்கே உதி அனுப்பினேன் !"  என்று கூறினார்.

அதைக் கேட்டதும் புல்லரித்துப் போன பாட்டீல் பாபா காலில் விழுந்து வணங்கினார்.  அப்போது பாபா தன்னுடைய அருட்கரங்களால் கொடுத்த உதியை தாயத்தில் அடைத்து தன் கழுத்தில் அணிந்து கொண்டார்.


http://www.shirdisaibabasayings.com
http://www.facebook.com/shirdisaibabasayingsintamil

Wednesday, February 20, 2019

தலைமுறைகள் தாண்டியும் பலன் தரும் பாபா சேவை

Image may contain: one or more people
ஸ்ரீ ஸாயி சத்சரித்திரம் எனும் புனிதமான புத்தகம் மூலம்  கலியுக அவதாரம் ஸ்ரீ சீரடி சாய்பாபாவின் வாழ்க்கை வரலாற்றைத் தொகுத்தவர்  "ஹேமாட்பந்த்"  என பாபாவால் ஆசீர்வாதிக்கப்பட்டு நாமம் சூட்டப் பெற்ற கோவிந்தரகுநாத தாபோல்கர் என்பவர்.

இவர் ஒருநாள் இரவில், "பக்தியிலும் ஞானத்திலும் முன்னேறுவதற்குப் பலபேர் பலவிதமாக பிரயத்தனங்கள் செய்கிறார்கள்.  பாபாவையே நினைத்து தியானம் செய்தல்,  தொடர்ந்து விடாமல் சாயி நாமஜெபம் செய்தல் இப்படிப்பட்ட வழிகளில் நம்முடைய நேரத்தை செலவிட்டிருந்தால்கூட இந்நேரம் பாபா நமக்கு மிகப்பெரிய நலனை அருளியிருப்பார்.  இப்படி அவருடைய கதைகளைத் தொகுப்பதாலும்,  பாபாவின் லீலைகளை எழுதுவதாலும் என்ன நமக்கு கிடைத்துவிடப் போகிறது?  அல்லது  இந்த சேவையால் என்ன பெரிய பயனும் பலனையும் அவர் நமக்கு கொடுத்து அங்கீகரித்துவிடப்  போகிறார்?" என்று மனதால் நினைத்து மிகவும் சலித்துக் கொண்டே உறங்கிவிட்டார்.

மறுநாள் அதிகாலை சுமார் மூணே முக்கால் மணிக்கு ஹேமாட்பந்தின் கனவில் பாபா தோன்றி ஒரு காகிதத்தை நீட்டினார்.  அதில் , "பேனா ஒரு வலுவான மூலதனம்!" என்று எழுதப்பட்டிருந்தது.
  
அதைப் பார்த்து திடுக்கிட்டு எழுந்த ஹேமாட்பாந்த்,  "தனது எழுத்துப் பணி தனக்கானதல்ல! தன்னுடையதல்ல!  அது பாபாவின் ஆசீர்வாதமே !" என்றும்  "ஒருவரால் செய்யப்படும் 'பக்தியும் தியானமும்'  செய்யப்படுபவருக்கு மட்டுமே உதவும் என்பதும்,  'சேவை' என்பது புண்ணிய விருட்சத்தின் விதை என்பதும்,  அது தலைமுறைகள் தாண்டியும் பலன் தரும்"   என்று பாபா தமக்கு உணர்த்திவிட்டதாக எண்ணி  பாபாவுக்கு  திருப்தியுடன் நன்றி கூறினார்.

http://www.shirdisaibabasayings.com
http://www.facebook.com/shirdisaibabasayingsintamil

Tuesday, February 19, 2019

பாபா படத்திலிருந்து விபூதி வருகிறது, குங்குமம் கொட்டுகிறது

Image may contain: one or more people

பம்பாயில் வசித்த எஸ்.என்.பிரதானும், அவர் மனைவியும் பாபாவின் பக்தர்கள்.  அவர்கள் தினமும் பாபாவின் வாழ்க்கைச் சரித்திரத்தை படிப்பதை வழக்கமாக கொண்டிருந்தனர்.  ஷீரடிக்கு அடிக்கடி செல்லவேண்டும் என்று அவர்கள் ஆசைப்பட்டாலும் பிரதானின் உடல்நிலை பிரயாணத்துக்கு ஏற்றதாக இல்லை.


10-11-953 அன்று இரவு உணவிற்கு பின் பிரதானும் அவர் மனைவியும் பாபாவின் லீலைகள் பற்றி பேசிக் கொண்டிருந்தனர்.  அப்போது ,  "பாபா படத்திலிருந்து விபூதி வருகிறது,  குங்குமம் கொட்டுகிறது என்கிறார்கள்.  தேஜஸ்வினிரெலே என்ற பக்தை வீட்டின் பூஜையறையில் பாபாவின் பாதச்சுவடுகள் இருந்ததாம் !... கரக்பூரிலே நாயுடு வீட்டிலே கூட பாபாவின் காலடித் தடம் பதிந்திருந்ததாம் !"... ம்ஹூம் !  நாம் என்ன பாவம் செய்தோமோ !  தினந்தோறும் பாபாவின் சரித்திரத்தை பாராயணம் செய்தும், நமது வீட்டில் ஒரு அதிசயம் கூட பாபா நிகழ்த்தவில்லையே ?  நாம் செய்யும் பக்தி பூரணத்துவம் அடையவில்லை போலும்..!"  என்று மிகவும் சலிப்புடன் பேசிக்கொண்டார்கள்.

மறுநாள் காலை பிரதானின் மனைவி சப்பாத்திமாவில் கலப்பதற்கு வெண்ணெய் டப்பாவை எடுத்தாள்.  அதன் மேல் பாபாவின் பாதச்சுவடுகள் இருந்ததைக் கண்டு ஆச்சரியத்துடன் கணவரை கூவி அழைத்து காட்டினார்.  இருவரும் கண்ணீர் மல்க அந்த பாதச்சுவடுகளைத் தொட்டு வணங்கியபடி மெய்மறந்து நின்றனர்.

அந்த நேரம்  பக்கத்து வீட்டுக்காரர் பிரதானின் வீட்டிற்கு வந்தார். (அவர் சாயி பக்தர் அல்ல).  வந்தவர் பிரதானிடம்,  "ஓ! பிரதான் !  நான் ஒரு அதிசயக் கனவு கண்டேனய்யா!  அதில் நீங்கள் தினமும் பூஜை செய்யும் பக்கீர் எங்கள் வீட்டிற்கு வந்தார்.  நான் உடனே அவரிடம், "ஓ ஸ்வாமி!  பக்கத்து வீட்டில் நுழைவதற்குப் பதிலாக அடையாளம் தெரியாமல் இங்கு வந்துவிட்டீரா?  உமது பக்தன் பிரதானின் வீடு அடுத்தாற்போல் உள்ளது அங்கு போங்கள் !" என்று என் வீட்டில் நுழைவதற்கு முன் திருப்பிவிட்டேன்.  அவரும் என்னைப் பார்த்து சிரித்துக் கொண்டே உன் வீட்டில் நுழைவதைப் பார்த்தேனய்யா !" ,... என்று பேசிக் கொண்டே அவர்கள் இருவர் கையிலிருந்த வெண்ணெய் டப்பாவை பார்த்தார்.  அடுத்த நொடி ஆச்சர்யத்துடன்,  "அட !  இங்கு பார்த்தீரா !  அவர் உமது வீட்டிற்கு வந்திருந்தார் என்பதற்கு அடையாளமாக அவரது பாதச்சுவடுகள்  பதிந்திருக்கிறதே !  உண்மையிலேயே நீர் கொடுத்து வைத்தவர்தானய்யா !" என்று கூறிச் சென்றார்.

அன்று இரவு பிரதான் தம்பதிகளின் கனவில் பாபா தோன்றி , "என்ன !   உங்கள் ஆசை நிறைவேறியதா?  நான்தான் எப்போதும் உங்களுடன்தானே இருக்கிறேன் "  என்று கூறி மறைந்தார்.


http://www.shirdisaibabasayings.com
http://www.facebook.com/shirdisaibabasayingsintamil

Saturday, February 16, 2019

நீ ஒன்றுக்கும் கவலைப்படவேண்டாம், நான் கவனித்துக் கொள்கிறேன்

Image may contain: one or more people

1908க்குப்   பின்னர் ஒரு தினம், "சில நாட்களில் துன்பங்கள் ஏற்படலாம். ஆனால் நீ ஒன்றுக்கும் கவலைப்படவேண்டாம். நான் கவனித்துக் கொள்கிறேன் என்றார் பாபா மகல்சபதியிடம் . சில தினங்கள் கழித்து மகல்சபதியின் வீட்டில் முதலில் அவருடைய மனைவியும் பின்னர் ஒவ்வொருவராக மற்றவர்களும் நோய்வாய்ப்பட்டனர் .சீரடிக்கு பாபாவை தரிசனம் செய்ய வந்தவர்களில் சிலர் வைத்தியர்கள். அவர் நோய் தவிர்க்க அளித்த மருந்துகளை கொடுக்க வேண்டாம் என்றும் நோயாளிகள் படுக்கையில் படுத்து இருந்தால் போதும் என்றும் கூறிவிட்டார் பாபா. பின்னர் பாபா தாம் எப்போதும் கையில் வைத்திருந்த குறுந்தடியை  எடுத்துக்கொண்டு மசூதியை சுற்றிவந்து  "வா! பார்க்கலாம் உன் முழு சக்தியையும் காட்டு. என் குறுந்தடியின் முன் உன்னால் என்ன செய்துவிட முடியும் என்று பார்த்துவிடுகிறேன்!" என்று கர்ஜித்துக் கொண்டு  தம் தடியைச் சுழற்றலானார் . விரைவிலேயே ஒருவித மருந்துமே இல்லாமல் நோயாளிகள் குணமடைந்தனர்.


http://www.shirdisaibabasayings.com
http://www.facebook.com/shirdisaibabasayingsintamil

Friday, February 15, 2019

நான் உனக்கு முன்பாகவும் பின்னேயும் செல்வேன்

Image may contain: indoor 

பாபா தம்  பூதவுடலை நீப்பதற்கு 10  அல்லது 12  தினங்கள் முன்பாக புரந்தரேயையும், தீக்ஷிதரையும் பம்பாய்க்குச்  செல்லும்படி விரட்டி விட்டார்.  "நான் உனக்கு முன்பாகவும் பின்னேயும் செல்வேன்," என்றும், மசூதி வாயிலில் நின்று," என் சமாதி பேசும், என் பெயர் பேசும், என் உடல் மண்ணும் பதில்கள் கூறும் என்று உறுதியளித்தார். இவ்வுறுதிமொழிகள் புரந்தரேக்கு மட்டுமே ?


http://www.shirdisaibabasayings.com
http://www.facebook.com/shirdisaibabasayingsintamil

Thursday, February 14, 2019

நான் எல்லோரையும் ஷீரடிக்கு அழைப்பதில்லை



பக்தர்: பாபா என்னை ஏன் இங்கு (ஷிர்டி) வரவழைத்தீர்கள்?

பாபா : ஆயிரக்கணக்கானவர்கள் இருக்கின்றனர்.நான் அவர்களை  எல்லாம் இங்கு அழைப்பதில்லை .நீரும் நானும் பல ஜன்மங்களாக நெருங்கிய தொடர்பு உள்ளவர்கள்.நீர் அதை அறிய மாட்டீர்.ஆனால் நான் அறிவேன்.நேரம்  கிடைக்கும் போதெல்லாம்,ஷிர்டி வந்து போய் கொண்டிரும்.


http://www.shirdisaibabasayings.com
http://www.facebook.com/shirdisaibabasayingsintamil

Wednesday, February 13, 2019

பக்தர்களிடம் பாபாவுக்கு உள்ள அன்பு

Image may contain: 1 person, closeup

பஸ்ஸீன் என்ற இடத்திலிருந்து  வகர்க்கர் என்ற பக்தர் ஒரு ஆளிடம் ஒரு சீப்பு வாழைப் பழத்தைக் கொடுத்து "இதை பாபாவிடம் கொடு பாபா இதை சாப்பிட்ட பின்னரே நான் உண்பேன்" என்று சொல்லி அனுப்பினார். ஷீரடி வந்த அம்மனிதன் நேராக  பாபாவிடம் வராமல் அங்கு வழியிலேயே வேடிக்கை பார்த்துக் கொண்டிருந்தான். பாபா அவனை அழைத்து வரச்  சொல்லி 'கொண்டுவந்த வாழைப்பழத்தைக் கொடு' என்று கேட்டு வாங்கி அதில் ஒரு பழத்தை எடுத்து சாப்பிட்டார். அதன்பின் அந்த ஆளை நோக்கி, "அவன்(வகர்க்கர்) சாப்பிடாமல் காத்துக் கொண்டிருக்கிறான். பாபா பழத்தை சாப்பிட்டு விட்டார் என்று உடனே தந்தி கொடு. அப்போதுதான் அவன் சாப்பிடுவான்" என்றார். பக்தர்களிடம் பாபாவுக்கு உள்ள அன்புக்கு இதுவும் ஒரு எடுத்துக்காட்டு அன்றோ !

http://www.shirdisaibabasayings.com
http://www.facebook.com/shirdisaibabasayingsintamil

Tuesday, February 12, 2019

குரு தியானம்

Image may contain: text
குருவுக்கு புறம்பாக வேறெதுமின்றி, எல்லாமே குருவாகத் தெரியுமாறு குருவை மாத்திரம் தியானத்தின் இலக்காகக் கொண்டு செய்யப்படும் தியானம், ' அனன்னிய அவதானம்' ( மன ஒருமைப்பாடு) என்றழைக்கப்படும். குருவின் சொரூபத்தை தியானம் செய்யும்போது மனமும் புத்தியும் உறைந்து போகின்றன. ஆகவே, அவருடைய திருவடிகளுக்கு வணக்கம் செலுத்திவிட்டு சத்தமில்லாத மௌனத்தில் கரைந்துவிட வேண்டும்.

http://www.shirdisaibabasayings.com
http://www.facebook.com/shirdisaibabasayingsintamil

Monday, February 11, 2019

திசைமாறா கவனத்துடன் பாபாவை நம்பியிருக்கவேண்டும்

No photo description available.

பாபாவின் பக்தரான ராவ் பகதூர் ஹரி விநாயக் ஸதேயின் அனுபவம் ;

பாபா யாருக்கும் உபதேசம் அளித்ததில்லை. ஆகவே எனக்கு மந்திரோபதேசம் வேண்டுமென நான் அவரிடம் வேண்டவில்லை. ஆனால் பல சந்தர்ப்பங்களில் மற்ற குருக்களிடம் உபதேசம் பெற நான் அழைக்கப்பட்டேன். பாபா இருக்கும்பொழுது மற்ற குருக்களிடம் இந்த நோக்கத்துடன் நான் சொல்லவேண்டுமா என்ற பிரச்னை எழுந்தது. பாபாவிடம் வேண்டினேன்; பாபா ஒப்புதல் அளிக்கவில்லை.
பாபாவால் முறைப்படி தீக்ஷை அளிக்கப்படவில்லை எனினும் பாபா திசைமாறா கவனத்துடன் நான் அவரையே நம்பியிருக்கவேண்டும் என்பதே அவர் விருப்பம். தனது பக்தனின் லௌகீக, ஆன்மீக நலன்கள் யாவற்றையும் கவனித்துக் கொள்ள அவர் சக்தி படைத்தவராகவும், தயாராகவும் இருந்தார்.
குரு பௌர்ணமி தினத்தன்று பாபாவை குருவாக எல்லா பக்தர்களும் கூட்டு வழிபாடு செய்ய ஏற்பாடு செய்யும்படி என்னை பணித்தார். ஆனால் சிவராத்திரி நள்ளிரவில் அவரை சிவபெருமானாக நான் பூஜிக்க முயன்றபோது, அவர் அதை ஆமோதிக்கவில்லை. பாபா மற்றவர்களிடமிருந்து நான் உபதேசம் பெறுவதை விரும்பவில்லை எனினும் நான் சாதுக்களிடம் பணிவுடன் நடந்து கொண்டு அவர்களை உபசரிக்க வேண்டுமென விரும்பினார்.


http://www.shirdisaibabasayings.com
http://www.facebook.com/shirdisaibabasayingsintamil

Sunday, February 10, 2019

குற்றங்குறைகள் எல்லாவற்றிடனும் ஒருவர் பாபாவை அணுகலாம்

Image may contain: 1 person, text
பாபா அளிக்கும் பயிற்சி, போதனைகள் எல்லாம் பெருமளவில் வித்தியாசமானவை. அவரை அண்டி வரும் ஒவ்வொருவருடைய  நிலைக்கு தக்கவாறு இருந்தன. இப்போதும் அவரை அண்டுபவர்களின் நிலைகளுக்கு ஏற்றவாறு அவை இருக்கும். பாபாவை ஒரு குரு, ஒரு ஸ்வரூபம், ஒரு தெய்வீக ஸ்வரூபம் என உங்கள் விருப்பத்திற்கு ஏற்றவாறு வணங்கிவாருங்கள். இந்த பிறவியில் மட்டுமல்ல தனது பக்தர்களை ஒவ்வொரு பிறவியிலும் வழி நடத்துவதாக பாபா அடிக்கடி உத்திரவாதம் அளித்ததோடு, அதன் பொருட்டு அவர்களுடன் தாமும் மீண்டும் பிறப்பதாகவும் வாக்குறுதி அளித்துள்ளார். ஒவ்வொருவரும் சிறந்தவராகவே தம்மிடம் வர வேண்டுமென பாபா எதிர்பார்க்கவில்லை.  தன்னுடைய குற்றங்குறைகள் எல்லாவற்றிடனும் ஒருவர் பாபாவை அணுகலாம். பாபா அவரை ஏற்றுக்கொள்கிறார். ஆனால், பாபா மீது நீங்கள் வைக்கும் நம்பிக்கை மிக முக்கியம். உதாரணமாக "பாபா என்னுடன் இருக்கிறார். சாயி எனக்கு நிச்சயம் உதவுவார். நான் பாபாவை மட்டுமே நம்பி இருக்கிறேன்" என்று அடிக்கடி ஞாபகப்படுத்திக்கொள்வது  மிகவும் நல்லது, மேலும் பாபாவின் மீதான நம்பிக்கையை அதிகரிக்கவும் செய்யும்.
                                                      
* ஓம் சாயிராம் *

http://www.shirdisaibabasayings.com
http://www.facebook.com/shirdisaibabasayingsintamil

Saturday, February 9, 2019

விரைவில் ஷீரடி செல்லும் உன் ஆசை நிறைவேறும்

தொடர்புடைய படம்

ஆந்திராவில் ஆதோனியில் வசித்தவர் அனந்தவெங்கடேஸ்வரலு.  மிகவும் எளிமையான குடும்பத்தில் பிறந்து வளர்ந்த இவர் ஒரு சாயிபக்தர்.  நேரம் கிடைக்கும் போதெல்லாம் பாபாவின் பஜனையில் கலந்து கொள்வதிலும்,  பாபாவைப் பற்றிய புத்தகங்களை படித்துக் கொண்டிருப்பதிலுமே பொழுதைக் கழித்தார்.  இருப்பினும்,  இவருக்கு ஷீர்டி செல்லும் வாய்ப்பு மட்டும் தள்ளி தள்ளியேப் போனது.

ஒருமுறை அவரது ஊருக்கு அருகிலுள்ள ஹோலிபட் என்ற இடத்தில் திகம்பர சுவாமிகள் என்ற அவதூதரை சந்திக்கும் வாய்ப்பு கிடைத்தது.  அந்த சுவாமிகள் எப்போதும் மலைப்பாங்கான பகுதியிலேயே சுற்றுபவர்.  யாரிடமும் அதிகம் பேசாதவர்.  அன்றைய தினம் அவர் ஆனந்தைப் பார்த்ததும்,  "அட ! இதப் பாரப்பா!  நம்மைத் தேடி ஷீர்டி வந்திருக்கிறது" என்றார்.

அதைக் கேட்ட ஆனந்த் ஆச்சர்யத்துடன் அவரை வணங்கி,  அவர் முன்னரே பாபாவின் சத்சரித்திரத்தைப் பாராயணம் செய்தார்.  அதை ஆர்வத்துடன் கேட்ட சுவாமிகள், ஆனந்தின் தலையையும் முதுகையும் அன்போடு வருடிக் கொடுத்துக் கொண்டே, "இன்று முழுவதும் என் கூட இரு!" என்று கூறி பழங்களை கொடுத்து சாப்பிடச் சொன்னார்.

அப்போது சுவாமிகள் ஆனந்திடம், "நவராத்திரி பூஜைக்காக ஒன்பது ரவிக்கைத் துணிகள், ஒரு புடவை, வளையல்கள், ஒரு தேங்காய் இவைகளை யார் மூலமாவது கொடுத்து அனுப்பு!" என்றார்.

இந்த திகம்பர சுவாமிகளின் தரிசனத்திற்காக பக்தர்கள் கூட்டம் வெளியில் காத்திருக்க, அந்த நாள்முழுவதையும் அவர் ஆனந்தோடு கழித்தார்.  மறுநாள் ஆனந்த் புறப்படும் போது, சுவாமிகள் ஒரு ரோஜாவை அவனது சட்டைப்பையில் சொருகி,  
"விரைவில் ஷீரடி செல்லும் உன் ஆசை நிறைவேறும் !" 
என்று ஆசீர்வதித்து அனுப்பினார். 

அதற்கடுத்த வாரம் ஆனந்த் அலுவலகத்திலிருந்த அவரின் உயர்அதிகாரி, "ஆனந்த் !  தாங்கள் நீண்ட நாட்களாக கேட்டுக் கொண்டிருந்த ஒருவாரம் விடுமுறையை அனுமதிக்கிறேன்.  ஷீரடி சென்று வாருங்கள்!" என்று கூற மகிழ்ச்சியின் எல்லைக்கே போய்விட்டார் ஆனந்த்.

உடனடியாக கிளம்பி ஷீர்டி சென்று பாபா சமாதி மந்திரிலும்,  துவாரகமாயியிலும் தரிசனம் செய்தார்.  ஒருவாரம் முழுவதும் ஷீர்டியிலேயே தங்கி மனநிறைவு அடையும் வண்ணம் ஆரத்தியிலும் பஜனையிலும் கலந்து கொண்டார்.  ஷீரடி பயணம் முடிந்து ஆனந்த் வீடு திரும்பும்போது , "பாபா!  தங்களின் கருணைக்கு நிகர் உண்டோ !" என்று ஆத்மார்த்தமாக பாபாவுக்கு நன்றி கூறினார்.

Image may contain: 1 person

http://www.shirdisaibabasayings.com
http://www.facebook.com/shirdisaibabasayingsintamil

Thursday, February 7, 2019

பாபாவிடம் எதையும் மறுக்காதே !

Image may contain: Shirdi Saibaba, sitting

திரு.பலராம்துராந்தர், பம்பாய் சாந்தாகுரூஸைச் சேர்ந்த பகாரே பிரபு இனத்தைச் சேர்ந்தவர்.  அவர் பம்பாய் ஹைகோர்ட்டில் வக்கீலாகவும்,  சட்டக்கல்லூரியின் பேராசிரியராகவும் இருந்தவர்.  

பலராம்துராந்தர்  குடும்பத்தினருக்கு ஆன்மீக ஈடுபாடு அதிகம்.  ஆனாலும்,  இறைவன் ஒருவருக்கும் எல்லாவற்றையும் நிறைவாக கொடுப்பதில்லை.  தன்னை நினைத்து துதிப்பதற்காகவாவது ஏதாவது ஒரு குறையை வைத்துவிடுகிறார்.  அவ்வாறே,  கல்வியும் அறிவும் திறமையும் செல்வமும் தொழிலும் எல்லாம் இருந்தும் துராந்தர் ஆஸ்துமா என்ற நோயினால் அவதிப்பட்டார்.

பாபுல்ஜி , வாமன்ராவ் என்ற அவரது இரு சகோதரர்களும் ஷீர்டி சென்று வந்த பிறகு,  பலராமின் கடுமையான ஆஸ்துமா நோய் குணமாக அவர் கண்டிப்பாக ஷீர்டி சென்று பாபாவைத் தரிசனம் செய்து வரும்படி கூறினர்.

1912-ல் ஒருநாள் பலராம் தன் சகோதரர்களுடன் ஷீர்டி சென்றார்.  மசூதியில் அவர்கள் நுழைந்தவுடன் பாபா,   பலராமைப் பார்த்து  "வாரும் !  நாம்தான் அறுபது தலைமுறைகளாக உறவில் இருக்கிறோமே!" என்றார்.

பாபாவை நேருக்கு நேர் பார்த்ததும் பலராமுக்கும் அதே உணர்வு ஏற்பட்டது.  பிறகு அவர்கள் குளித்து முடித்து சாப்பிட்டு விட்டு மீண்டும் மசூதிக்கு வந்தனர்.  பலராம் பாபாவுக்கு கால்பிடித்துவிட்டுக் கொண்டிருந்தார்.  அப்போது பாபா தன்னுடைய சிலீமிலிருந்த புகைக் குழாயை பலராமிடம் கொடுத்து,  "ம்ம்.. இந்தாரும் ! இதைக்குடியும்!  வாய்ப்பை நழுவவிடாதீரும் !" என்றார்.  

பலராமுக்கோ புகைப்பிடிக்கும் பழக்கம் கிடையாது.  ஆனாலும், "பாபாவிடம் எதையும் மறுக்காதே !" என்று சகோதரர்கள் ஏற்கனவே தன்னிடம் கூறியது நினைவுக்கு வந்தது.  அடுத்த நிமிடமே பாபாவிடம் சிலீமை வாங்கி ஒரு இழுப்பு இழுத்துவிட்டு மீண்டும் அவரிடமே பணிவுடன் நீட்டினார்.  பாபா அதை  புன்முறுவலோடு "வாங்கிக் கொண்டார்."

ஆறு வருடங்களாக பலராமை அவஸ்தைப்படுத்திய அந்த ஆஸ்துமா நோய் அந்த நொடியுடன் தொலைந்துபோனது.  அதன்பிறகு தன் சொந்த ஊரில் இருந்தபோது 1918-ம் வருடம் ஒருநாள் மத்தியான நேரம் 2:30 மணியளவில்  பலராம்க்கு லேசாக இருமல் வந்தது.  அந்த நேரம்தான் ஷீர்டியில் பாபா மஹாசமாதி அடைந்த நேரம் என்பது குறிப்பிடத்தக்கது.  அதைக் கேள்வியுற்ற பலராம் பாபாவுக்கு கண்ணீருடன் நன்றி கூறினார்.

http://www.shirdisaibabasayings.com
http://www.facebook.com/shirdisaibabasayingsintamil

Sunday, February 3, 2019

பாபாவிடம் சரணடைவது ஒன்றே எல்லா பிரச்சனைகளுக்கும் தீர்வு

saibaba digital painting க்கான பட முடிவு

நம்பிக்கை என்பது இறுதியில் ஒன்றின் மீதுதான் இருக்க வேண்டும். பாபா நமக்குள் உறுதியாக நிலை நிறுத்தப்பட்டு விட்டால் வேறெங்கு செல்வது என்ற கேள்வியே ஏன் எழப்போகிறது?. பாபாவிடம் சரணடைவது ஒன்றே எல்லா பிரச்சனைகளுக்கும் தீர்வு. 
"உம்முடைய எல்லா பொறுப்புகளும் என்னுடையவை. உம்முடைய எல்லா காரியங்களையும் நானே முன் நின்று நடத்துகிறேன்" என்று பாபா கூறியதை நினைவில் கொள்ளுங்கள். பாபா மீது எந்தவித சந்தேகமும் இல்லாமல் நம்பிக்கை வைப்பதே மிகவும் முக்கியமானது. நம்பிக்கையில்லாத பூஜையும், விரதமும், ஆரத்தியும் வீண். குரு நம்பிக்கை பற்றி பாபா கூறியுள்ள வார்த்தைகளை கவனியுங்கள் ;
உங்கள் குருவிடம் அசைக்க முடியாத நம்பிக்கை, ஆழமான அன்பு கொள்ளுங்கள். இதைத் தவிர வேறு வழிபாடு வேண்டாம். குருவே கடவுள் என்பதில் உறுதியாக நில்லுங்கள். - ஸ்ரீ ஷிர்டி சாய்பாபா

http://www.shirdisaibabasayings.com
http://www.facebook.com/shirdisaibabasayingsintamil

Saturday, February 2, 2019

போதும் உறக்கம்! விழித்துக் கொள்


Image may contain: 1 person

கல்கத்தாவில் இருந்த எம்.ராமச்சந்திரராவ் என்பவர் தீவிரமான சாயிபக்தர்.  அவருக்கு தபால்-தந்தி துறையிலிருந்து வேலைக்கான இண்டர்வியூ கடிதம் வந்திருந்தது.  இண்டர்வியூக்கு முதல்நாள் ஸ்ரீபரத்வாஜரை சந்தித்து அந்த கடிதத்தை அவரிடம் கொடுத்து நமஸ்கரித்து ஆசி பெற்றார்.

"ஸ்வாமி !  நான் எப்போதும் தாமதமாக எழுந்திருக்கும் பழக்கம் உள்ளவன்.  அதிகாலை ஐந்து மணிக்கே பஸ்ஸில் புறப்பட்டால்தான் ,  இண்டர்வியூக்கு சரியான நேரத்தில் போகமுடியும்.  என்னை நாலரை மணிக்கு எழுப்பிவிட முடியுமா?  என்று பணிவுடன் கோரினார்.

அதிகாலை நாலரை மணிக்கு அலாரம் அடிக்குமாறு கடிகாரத்தை திருப்பி வைத்தார் ஸ்வாமிகள்.  நிம்மதியாக உறங்கினார் ராமச்சந்திரன்.  அதிகாலை ஐந்து மணிக்கு,  அவர் வீட்டின் கிழக்கு ஜன்னலருகே பாபா தோன்றி, "போதும் உறக்கம்! விழித்துக் கொள்!" என்று சப்தமாக குரல்  கொடுத்தார்.  அலறி அடித்துக் கொண்டு எழுந்த ராமச்சந்திரன் வேகவேகமாக கிளம்பி பேருந்து நிலையத்திற்கு ஓடினார்.  எப்போதும் சரியான நேரத்தில் புறப்பட வேண்டிய பஸ் அன்று அவருக்காக காத்திருந்தது.  சரியான நேரத்தில் இண்டர்வியூவில் கலந்து கொண்டு வேலையையும் பெற்றுவிட்டார்.

மாலையில் வீடு திரும்பிய ராமச்சந்திரன் கடிகாரத்தை பார்த்தார். கடிகாரம் பழுதாகி இரண்டு மணிக்கே நின்றிருந்தது தெரிந்தது.  அப்படியானால்,  "நம்மை குரல் கொடுத்து எழுப்பி விட்டதும்  பாபாவே !  வேலை கொடுத்து வாழ்வில் ஒளிவிளக்கேற்றியதும் பாபாவே !" என்பதை உணர்ந்து, மெய்சிலிர்த்து பாபாவுக்கு நன்றி கூறினார்.

( ஸ்ரீபரத்வாஜர் - தீவிர சாயிபக்தர்.- சாய்பாபா பற்றி பல புத்தகங்களை எழுதியுள்ளார்)


http://www.shirdisaibabasayings.com
http://www.facebook.com/shirdisaibabasayingsintamil

Friday, February 1, 2019

சாயி சத்சரிதம் படித்தால் உன் கோரிக்கை நிறைவேறும்

                                 à®¤à¯Šà®Ÿà®°à¯à®ªà¯à®Ÿà¯ˆà®¯ படம்

சாயி சத்சரிதம் புத்தகம், மனித சமுதாயத்திற்கு பாபா அளித்த அருட்கொடை... கேட்டால், கேட்டது கிடைக்கும்..பிரார்த்தனை செய்தால், வேண்டியது வசப்படும். சத்சரிதத்தை நமது நெஞ்சுக்கு மிக அருகில் வைத்து, ஓர் வேண்டுகோளை மனதில் நினைத்து, புத்தகத்தை நம்பிக்கையுடன் படித்தால்.. உலகத்தாருக்கு எது அசாத்தியமானதோ, அது நமக்கு சாத்தியமாகிவிடும். வாழ்வை மாற்றியமைக்கும் தாக்கம், நிச்சயம் அப்புத்தகத்திற்கு உண்டு. 
பாபாவை பற்றி படிப்பது, அவரது தெய்வீக சந்நிதானத்தில் இருப்பதற்கு சமமானது. அவருடனான தியான ஐக்கியத்தில் மணிக்கணக்காகச் செலவிடுவதைப் போன்றது. கஷ்டமான இந்த வாழ்விலும், சிக்கலான இவ்வுலகிலும், பின்பற்றுவதற்கேற்ற மிக எளிதான பாதை இதுவே. நம்பிக்கையுடனும் அன்புடனும் பாபாவைக் குறித்து படியுங்கள்.... நீங்கள் வேண்டுவது உங்களுடையதாகும்.
அன்பும் நம்பிக்கையும், பாபாவின்பால் பிரார்த்தனைகளும் எங்கு உள்ளனவோ, அந்த இடம் பாபாவின் துவாரகாமாயியாக ஆகிவிடுகிறது.  சாயியின் மீது நம்பிக்கை கொண்ட பக்தனின் வீடு சாஃஷாத் துவாரகாமாயியே  ஆகும். 
சத்சரிதம், ஒரு பலம்... ஓர் ஆற்றல். அன்புடன் படிக்கப்பட்டால், அது ஒவ்வொரு விருப்பத்தையும் நிறைவேற்றும். அது விலையற்றது. மதிப்பிட முடியாதது. உண்மையான பக்தியுடன் சேர்ந்த நேர்மையான வாசிப்பு, மரணத்தின் பிடியிலிருந்தும் நம்மை விடுவித்துவிடும்.
எனவே, எது வேண்டுமோ அதைக் கோரிக்கையாக பாபாவிடம் வைத்து, தினமும் சத்சரிதத்தை நம்பிக்கையோடு படியுங்கள்.
சத்சரிதத்தை நாற்பது நாள்களுக்குள் படித்துமுடித்து, தினமும் பாபாவிற்கு முன் ஓர் விளக்கை ஏற்றிவைக்கும் 'சாலீஸா' எனும் விரதம், வாசிப்பவருக்கு வாழ்வில் பேரானந்தத்தையும், வாழ்வுக்குப் பின் முக்தியையும் அளிக்கும்.

Image may contain: 1 person


http://www.shirdisaibabasayings.com
http://www.facebook.com/shirdisaibabasayingsintamil

குரு சரித்திரம் படியுங்கள்

நீங்கள் எப்படிப்பட்ட துயரத்தை அனுபவித்து கொண்டிருந்தாலும், இந்த குரு சரித்திரத்தை நம்பிகையுடன் பாராயணம் செய்தால் உங்கள் இன்னல்களும் து...