Wednesday, April 3, 2019

ஆண்டவன் அருள் புரிவான்


1916-ம் ஆண்டு டிசம்பர் மாதம் பாலகங்காதர திலகர், பண்டித மதன்மோகன் மாளவியா, ஸ்ரீ யோகி சுத்தானந்த பாரதி ஆகியோர் லக்னோ கூட்டத்தில் அமர்ந்திருக்கின்றனர்.  ஒரே கூச்சல் குழப்பம்.  கீதை படித்துக் கொண்டிருந்த சுத்தானந்த பாரதி "இரைச்சலிட்டால் சுயராஜ்யம் கிடைத்துவிடுமா?" என்றார்.

"அப்போ சுயராஜ்யம் எப்படித்தான் கிடைக்கும்?" என்று கேட்டார் திலகர்.

"மகான்களின் ஆசி வேண்டும் !  சுயராஜ்யம் எப்போது கிடைக்கும் என்பதை ஞான திருஷ்டியால் கண்டறிந்து சொல்வார்கள் !"  என்று பதில் சொன்னார் சுத்தானந்த பாரதி.

"சரி !  அந்த மகான் யார்?  எங்கே இருக்கிறார்?" என்று கேட்டார் திலகர்.

சுத்தானந்தரும், கபர்டேயும் ஒரே சமயத்தில் , "ஷீர்டி சாயிபாபா !" என்றார்கள்.  மறுநாள் அதிகாலை தலைவர்கள் குழு ஷீரடிக்குப் புறப்படுவதென்று முடிவு செய்து கிளம்பினார்கள்.

ஷீரடிக்கு காலை ஏழு மணிக்குச் சென்று குளித்துவிட்டு, நேராக பாபாவைத் தரிசிக்க சென்றார்கள்.  அங்கு வேப்பமரத்தடியில் அமர்ந்திருந்த சாயியை வணங்கினர்.  சுத்தானந்த பாரதி சத்தமாக இந்துபஜன் பாடினார்.  "சத்தம் போட்டால் சுதந்திரம் கிடைத்துவிடுமா?"  என்று இந்தியில் கேட்டார் பாபா.

"பின் எப்படி கிடைக்கும்?" என்றார் திலகர்.

"போய் தூங்கு !  அதற்கென்று ஒரு மஹாத்மா வருவான் !"  என்றார் பாபா.  திலகர் மௌனமாய் நின்றார்.

பாபா கபர்டேயிடம் ,  "கீதையின் 12-ம் அத்தியாயம் படி !" என்றார்.  கபர்டேயும் நிதானமாகப் படித்தார்.

"மௌனமாய் இரு ! ஆண்டவன் அருள் புரிவான் !" 

"சோதனைகளைத் தாங்கிக் கொள் ! சுயராஜ்யத்திற்காக உன்னையே அர்ப்பணித்துக் கொள்வாய் !  தியாகம் ஒருபோதும் வீணாகாது !  தற்போதைக்கு பார்வையாளனாய் இரு ! காலத்தால் அழியாத புகழ் கிடைக்கும் !"  என்றார் பாபா.

"ஆஹா !  அற்புதம் !  இவை மஹானின் மனத்தின் ஆழத்திலிருந்து வரும் சத்தியமான வார்த்தைகள் !  நிச்சயம் நிறைவேறும் !" என்று நம்பிக்கையுடன் கூறினார் திலகர்.

http://www.shirdisaibabasayings.com
http://www.facebook.com/shirdisaibabasayingsintamil

Fake Photographs displayed in Web Media and Social Networks as original Photographs of Shri Sai Baba

Fake Photographs displayed in Web Media and Social Networks as original Photographs of Shri Sai Baba    http://www.shirdisaibabasayings.com ...