அசையாத நம்பிக்கை, திடமான விசுவாசம், உறுதியான பக்தி

பரமபாக்கியம் பெற்றவனே மனிதப்பிறவி பெறுகிறான் ; ஆனால் இறைவனின் அருள் ஒன்றே அவனை ஸாயீயின் பாதங்களுக்கு கொண்டுவருகிறது ! 

ஸாயீயினுடைய லீலைகள் தர்க்கசிந்தனையால் புரிந்துகொள்ள முடியாதவை ; அவற்றைப் பற்றிய பூரணமான ஞானத்தை அடையவே முடியாது ! ஸாயீ லீலைகளின் ஒரு பகுதியையாவது அறிந்து கொள்ள முடிந்த மனிதன் மஹாபாக்கியசாலி !

கோடிப்புண்ணியம் செய்தும், மஹா பாக்கியங்களாலும் இம்மனிதப்பிறவி கிடைத்திருக்கிறது. ஆகவே, இந்த நல்வாய்ப்பை சிறப்பாகப் பயன்படுத்தி பாபாவின் பாதங்களை இறுகப்பற்றிக் கொள்ளவேண்டும்.

பகீரதப் பிரயத்தனம் (கடுமையான தவம் ) செய்தாலும் மனிதப்பிறவியை அடையமுடியாது.  அது விதிவசமாக கிடைக்கும் அதிர்ஷ்டமே !  வீணாகக் குப்பைத்தொட்டியில் போட்டுவிடாதீர்கள் !

மனிதவாழ்வின் ஒரு நிமிடத்தைக் கூட வீணாக்காமல் பாபாவின் பக்தியில் முற்றிலும் மூழ்குங்கள் ! அசையாத நம்பிக்கை,  திடமான விசுவாசம்,  உறுதியான பக்தி இந்த மூன்றினால் மட்டுமே ஸாயீயின் பரிபூரண அனுபவம் கிட்டும்,  கேட்காமலேயே கிட்டும்.‌  அது பக்தனின் வாழ்வில் கிடைக்கும் ஒரு அற்புதம்‌ !

http://www.shirdisaibabasayings.com
http://www.facebook.com/shirdisaibabasayingsintamil

ஸாயீயைப் போன்ற அவதாரத்தைக் காண்பது அரிது

ஸாயீமஹராஜ்  தலைசிறந்த ஞானிகளுள், அவதாரங்களில் மணிமகுடமானவர் ; அளவிலா ஆன்மீகச் செல்வம் பெற்றவர்;

ஸாயீயைப் போன்ற ஞானிகள், பந்தங்களால் கட்டுப்பட்ட மனிதனை மோட்ச மார்க்கத்திற்கு  (முமுக்ஷுவாக)‌ மாற்றி , ஜனனமரணச் சுழலிலிருந்து விடுதலை அடைந்தவனாய் (முக்தனாக) ஏற்றமடையச் செய்கிறார்கள். 

வியாக்கியானங்கள் மற்றும் புராணங்கள் மூலமாக அடைய முடியாததை, ஸாயீயைப் போன்ற ஞானிகளின் பாதங்களை தரிசித்து சுலபமாக அடைந்துவிடலாம். அவர்களுடைய அங்க அசைவுகளும் நடத்தையும் மௌன உபதேசங்களாகும்.

மன்னிக்கும் குணம், சாந்தி, தனிமை, காருண்யம், பரோபகாரம், புலனடக்கம், அஹங்காரமின்மை ஆகிய நற்குணங்கள் நிறைந்திருக்கும் ஸாயீயைப் போன்ற அவதாரத்தைக் காண்பது அரிது.

புத்தகத்தைப் படித்து அறிந்துகொள்ள முடியாததையெல்லாம் ஸாயீயைப்‌ போன்ற மஹான்களின் செயல்முறைகளைப் பார்த்து சுலபமாக அறிந்துகொள்ளலாம்.

கோடிக்கணக்கான வானத்து நட்சத்திரங்கள் எல்லாம் சேர்ந்து அளிக்கமுடியாத ஒளியை, சூரியன் ஒன்றே கொடுத்துவிடுகிறது அன்றோ !  உதாரகுணம் படைத்த ஸாயீயைப் போன்ற ஞானிகளின் சக்தியும் அவ்வாறே‌!

 ஸாயீயைப் போன்ற ஸத்குருவின் பலப்பல ஸஹஜமான செயல்கள் மனிதர்களை பந்தங்களி­லிருந்து விடுபடச்செய்து அவர்களுக்கு அத்தியந்த சௌக்கியத்தை அளிக்கின்றன.

http://www.shirdisaibabasayings.com
http://www.facebook.com/shirdisaibabasayingsintamil

பல நன்மைகளை அள்ளித்தரும் குருவின் கதை

குருவின் பாதங்களில் அமிழ்ந்துபோக விரும்புபவர்கள் குருவின் பெருமைகளைப் பாட வேண்டும், அல்லது குருவின் கதைகளைக் காலட்சேபம் செய்ய வேண்டும், அல்லது குருவின் கதைகளை பயபக்தியுடன் கேட்க வேண்டும்.

இவ்வாறு தினசரி நம்முடைய அன்றாட நடவடிக்கைகளில் முழுமையாக  ஈடுபட்டுக் கொண்டிருக்கும்போதே,  தற்செயலாக காதில் விழும் குருவின் கதையானது, தன்னுடைய சுபாவத்தினால் கேட்டவருக்கு பல நன்மைகளை அள்ளித்தரும். இதில் கேட்டவருடைய முயற்சி ஏதும் இல்லை !  ஆனால் பலனோ  பவித்ரமானது.

குருவின் கதைகள் தற்செயலாக காதில் விழுந்தாலே பலன்கள் இப்படி இருக்கும்போது,  பக்தி பாவத்துடன் கேட்கப்பட்டால் எவ்வளவு ஆன்மீக லாபம் கிடைக்கும் என்பதை, குருவின் கதைகளைக் கேட்பவர்களும், பாராயணம் செய்பவர்களும் அவர்களுடைய நன்மை கருதி சிந்திக்கவேண்டும்.

இந்த முறையிலே, குருவின் கதைகளைக் கேட்கக் கேட்க, மீண்டும்  படிக்கப் படிக்க குருவின் திருவடிகளின் மேல் மிகுந்த பிரமை உண்டாகும்.  சாதகரின் வாழ்வில் படிப்படியாக மிக உயர்ந்த க்ஷேமமான நிலை விளையும். வேறு எவ்வகையான நியமமும் நிஷ்டையும் தேவையில்லை. வாழ்க்கையே பரம மங்களமானதாக மலரும்.

http://www.shirdisaibabasayings.com
http://www.facebook.com/shirdisaibabasayingsintamil

"உன் பணி தொடரும் ! அஞ்சாதே!"

திரு.மெஹரோத்ரா என்பவர் பரெய்லி பேங்கில் ஏஜண்டாகப் பணி புரிந்தார்.  அவருடைய போதாத காலம்,  திடீரென மேனேஜ்மென்ட் எடுத்த தவறான முடிவால் அவர் சஸ்பெண்டு செய்யப்பட்டார். 

மனதால் விரக்தி அடைந்த மெஹரோத்ரா ,  வியாழக்கிழமை அன்று கல்கத்தா சாயி சமாஜத்தில் நடைபெற்ற பாபாவின் பூஜையில் கலந்துகொண்டார்.

 அதன்பின் அங்கிருந்தே கிளம்பி ஷீரடிக்கும் சென்றார்.  சமாதி மந்திரிலும்,  துவாரகாமாயியிலும் பாபாவை  சாஷ்டாங்கமாக விழுந்து வணங்கி , "பாபா !  நீங்கள் அந்தர்யாமி!  உங்களுக்குத் தெரியாதது எதுவும் இல்லை!  என்னைக் காப்பாற்றுங்கள் !  எனக்கு வேறு ஏதாவது ஒரு வேலை கொடுத்து அருளுங்கள் !"  என்று மனமுருகப் பிரார்த்தித்தார்.  அந்த இரண்டு நாட்களும் ஷீரடியிலேயே தங்கினார்.

மறுநாள் காலையில் அவர் தூங்கி எழுந்தபோது,       அவரருகில் ஒரு துண்டு சீட்டு இருந்தது.  அதில், "உன் பணி தொடரும் !  அஞ்சாதே!"  என்று எழுதியிருந்தது.  ஆச்சர்யத்துடன் அந்த துண்டு சீட்டை எடுத்து கண்களில் ஒற்றிக் கொண்டு தன் சட்டைப் பையில் பத்திரமாக வைத்தார்.

அதன்படி அவர் ஊர் திரும்பியதும் தியோரியா என்ற இடத்தில் அவரை ஏஜண்டாக நியமிக்கப்பட்டடிருப்பதாக அதே  கம்பெனியிலிருந்து தபால் வந்தது.  அதைப் பார்த்ததும் மன நிறைவுடன் பாபாவுக்கு நன்றி கூறினார்.

http://www.shirdisaibabasayings.com
http://www.facebook.com/shirdisaibabasayingsintamil

பாபாவின் உதீயின் மஹிமை

பாபாவின் உதீயை நம்பிக்கையுடன் பூசிக் கொள்பவரின் வாழ்க்கைப் பாதையில் உள்ள அனைத்து தடைகளும் உடனே விலக்கப்படுகின்றன !

காலை ஸ்நானத்தை முடித்தபின் எவரொருவர் தினமும் நெற்றியில் பாபாவின் உதீயைப் பூசிவிட்டு, சிறிது உதீயை பாபாவின் பாததீர்த்தத்துடன் கலந்து அருந்துகிறாரோ,  அவர் பரிசுத்தமடைகிறார் , புண்ணியம் சேர்க்கிறார் !

அதுமாத்திரமன்றி, பாபா உதீயின் மேலும் ஒரு விசேஷமான குணம் என்னவென்றால்,  அதை இட்டுக் கொள்பவருக்கு பூரணமான ஆயுளை அளிக்கிறது.  அவரின் எல்லாப் பாதகங்களையும் மிச்சமின்றி முழுவதுமாக துடைத்தெறிகிறது ! அவருடைய வாழ்வில் சுகமும் சந்தோசமும் எப்பொழுதும் நிலவும் !

http://www.shirdisaibabasayings.com
http://www.facebook.com/shirdisaibabasayingsintamil

நீண்ட ஆயுளும் ஆரோக்கியமும் எல்லா செல்வங்களும் உண்டாகும்

  ஸ்ரீ  நரசிம்ம சரஸ்வதி சுவாமிகள்

  (  ஸ்ரீ தத்தாத்ரேயரின்  இரண்டாவது  அவதாரம் )

ஸ்ரீ நரசிம்ம சரஸ்வதி அஷ்டகம் 

இந்து   கோடி  தேஜ  கிர்ண  சிந்து  பக்தவத்சலம் 

நந்தனாத்ரி  சூனுதத்த  இந்திராட்ச  ஸ்ரீகுரும் 

கந்த  மால்ய  அக்ஷதாதி  வ்ருந்த  தேவ  வந்திதம் 

வந்தயாமி  நரசிம்ஹ  சரசுவதீச  பாஹிமாம் 

மோஹ  பாச  அந்தகார  சாயதூர  பாஸ்கரம் 

ஆஹிதாக்ஷ  பாஹீஸ்ரீய  வல்லபேச  நாயகம் 

ஸேவ்ய  பக்த வ்ருந்த  வரத  பூயோ பூயோ  நமாம்யஹம் 

வந்தயாமி  நரசிம்ஹ  சரசுவதீச  பாஹிமாம்

சித்தஜாதவர்கஷ்டக  மத்தவார்ணாங்குசம் 

ஸத்வஸார  சோபிதாத்ம  தத்தஸ்ரீயாவல்லபம் 

உத்தமாவதார  பூத கர்த்ரு  பக்தவத்சலம் 

வந்தயாமி  நரசிம்ஹ  சரசுவதீச  பாஹிமாம்

வ்யோம  வாயுதேஜ  ஆப  பூமி  கர்த்ருமீச்வரம் 

காமக்ரோத  மோஹரஹித  ஸோம  சூர்யலோசனம் 

காமிதார்த்த தாத்ருபக்த  காமதேனு  ஸ்ரீகுரும் 

வந்தயாமி  நரசிம்ஹ  சரசுவதீச  பாஹிமாம்

புண்டரீக  ஆயதாக்ஷ  குண்டலேந்து  தேஜஸம் 

சண்டதுரித  கண்டனார்த்த  தண்டதாரி  ஸ்ரீகுரும் 

மண்டலீக  மௌலி  மார்தாண்ட  பாசிதானனம் 

வந்தயாமி  நரசிம்ஹ  சரசுவதீச  பாஹிமாம்

வேத  சாஸ்திர  ஸ்துத்ய  பாதமாதிமூர்த்தி  ஸ்ரீகுரும் 

நாத  பிந்து  கலாதீத  கல்பபாத  ஸேவ்யயம் 

ஸேவ்ய  பக்த  வ்ருந்த  வரத  பூயோ பூயோ நமாம்யஹம் 

 வந்தயாமி  நரசிம்ஹ  சரசுவதீச  பாஹிமாம்

அஷ்டயோக  தத்வ  நிஷ்ட  துஷ்டஞான  வாரிதிம் 

கிருஷ்ணவேணி  தீரவாஸ  பஞ்சநதி  ஸங்கமம் 

கஷ்ட தைன்யதூர  பக்த  துஷ்டகாம்யதாயாகம் 

வந்தயாமி  நரசிம்ஹ  சரசுவதீச  பாஹிமாம்

நரஸிம்ஹ  ஸரஸ்வதீச  அஷ்டகம்ச  ய:  படேத்

கோர  சம்ஸார  சிந்து  தாரணாக்ய   ஸாதனம் 

ஸார   ஞான  தீர்க்க  ஆயு  ஆரோக்யாதி  ஸம்பதம் 

சாருவர்க   காம்ய  லாப  நித்யமேவய:  படேத்   

எப்பொழுதும் இந்த  நரசிம்ம  சரஸ்வதி  அஷ்டகத்தை  எவனொருவன்  படிப்பானோ  அவனுக்கு  ஞானமும்,  நீண்ட  ஆயுளும் ஆரோக்கியமும் , எல்லா செல்வங்களும்  நான்கு  விதமான  புருஷார்த்தங்களும்  பெற்று  சம்ஸாரமென்ற  கடலைத்  தாண்டுவதற்கு  ஏதுவாக இருக்கும்.

குரு சரித்திரம்,ஸ்ரீ சத்சரித்திரம்,ஸ்தவனமஞ்சரி (TAMIL PDF FILES) படிக்க விரும்பும் சாயி அன்பர்கள்  saibabasayings@gmail.com  மின்னஞ்சல் முகவரிக்கு கேட்டு எழுதுங்கள் தங்களுக்கு pdf file  அனுப்பபடும்.

"NIRGUNA PAADHUKA"

http://www.shirdisaibabasayings.com
http://www.facebook.com/shirdisaibabasayingsintamil

பாபாவினுடைய லீலைகள்

பாபாவினுடைய லீலைகள் கற்பனை செய்யமுடியாதவை ! அவருடைய சாமர்த்தியமான வழிமுறைகளை எவரும், எப்போதும் புரிந்துகொள்ள முடியாது !  அவருடைய லீலைகளுக்கு எல்லையே இல்லை‌! அவர்தான் விளையாட்டை நடத்துகிறார். ஆயினும் அவர் விளையாட்டில் மாட்டிக் கொள்வதில்லை‌!  அவருக்கு மாத்திரம்தான் அவருடைய வழிமுறைகள் தெரியும் ;  அவை நிச்சயமாக மானிடமானவையல்ல !  ஆனாலும், ஒரு உண்மையான எளிய பக்தன் மனத்தில் என்ன  நிர்த்தாரணம் செய்கிறானோ, அதை பாபாவே நிறைவேற்றி வைக்கிறார் !

http://www.shirdisaibabasayings.com
http://www.facebook.com/shirdisaibabasayingsintamil

உறுதியான நம்பிக்கையே உண்மையான காணிக்கை

பாபாவின் வழிபாட்டிலிருந்து மனத்தைத் திசை திருப்பிவிடும் எந்தவிதமான சுகமும் நமக்கு வேண்டாம் என்பதில் உறுதியாக இருங்கள் !

நம்முடைய ஆனந்தக்கண்ணீரே, அவருடைய பாதங்களைக் கழுவும் வெந்நீர் !  நம்  பரிசுத்தமான அன்பே அவருக்கான சந்தனப்பூச்சு !  நமது தூய்மையான சிரத்தையே அவருக்கு அளிக்கப்படும் ஆடை ! பாபாவின் மீதான உறுதியான நம்பிக்கையே நாம்  அவருக்கு அளிக்கும் காணிக்கை !  ஒரே சிந்தனையுடன் கூடிய முழுமனதான பக்தியே  அவருக்கான நைவேத்தியம் ! இவ்விதமான மானசீகமான பூஜையினால் மட்டுமே, நாம் பாபாவை மகிழ்ச்சியடையச் செய்வோமாக !

http://www.shirdisaibabasayings.com
http://www.facebook.com/shirdisaibabasayingsintamil

அற்புதமான ஸாயீ சத்சரித்திரம்

விசுவாசமுள்ள ஸாயீ பக்தர்களே ! மனமலங்களையெல்லாம் எரித்துவிடும் சக்தியுடைய அற்புதமான ஸாயீநாத சரித்திரத்தை முழு கவனத்துடன் கேளுங்கள். இச் சரித்திரம் கங்கை நீரைப் போன்று புண்ணியமானது; பவித்திரமானது; இஹத்திலும் பரத்திலும் ஸாதகங்களை அளிக்கக்கூடியது. இதைக் கேட்பவர்களின் காதுகள் எல்லாப் பேறுகளையும் பெற்றவை‌!

ஸாயீயின் சரித்திரத்தை தேவாமிருதத்திற்கு உபமானமாகச் சிலர் சொல்லலாம். ஆயினும் தேவாமிருதம் இவ்வளவு இனிக்குமா என்ன? அமிருதம் உயிரைத்தான் ரக்ஷிக்கும்; இச்சரித்திரமோ மேற்கொண்டு ஜனனமே இல்லாமல் செய்துவிடும் !

உயிருள்ள ஜீவன்கள் எல்லா சக்திகளும் தங்களுக்கு இருக்கின்றன என்று நினைக்கின்றன. தாம் நினைத்ததைச் செய்யமுடியும் என்று யாராவது நினைத்தால், அவர் ஸாயீயின் கதைகளைக் கேட்கவேண்டும்.

http://www.shirdisaibabasayings.com
http://www.facebook.com/shirdisaibabasayingsintamil

பக்தர்களின் நலனுக்காகவே அவதரித்த பாபா

பிரபஞ்ச விளையாட்டை நிர்வகிக்கும் பாபாவின் சூத்திரங்கள் சூட்சுமமானவை ;  ஆராய்ச்சிக்கு அப்பாற்பட்டவை ; எவராலும் அவற்றை கற்பனை செய்ய முடியாது.  ஆனால் அது எல்லோரையும் ஆச்சரியத்தில் ஆழ்த்திவிடும்.   பாபா செய்வது வெறும் அற்புதங்கள் மாத்திரம் அன்று.  அவை, பக்தர்களுக்கு தம்மீது இருக்கும் விசுவாசத்தை திடப்படுத்துவதற்காக பாபா கையாளும் உத்திகள் ஆகும்.

தவறு செய்துவிடாதீர்கள் ! சந்தேகமே வேண்டாம்,  ஸாயீநாதர் அத்தகையவரே ! பக்தர்களின் நலனுக்காகவே அவதரித்தவர் ! அவருடைய  பொற்பாதங்களிலிருந்து ஒருகணமும் பிரியாதீர்கள்‌!  ஏனெனில் சம்சார சாகரத்தை கடப்பதற்கு அதுவே பத்திரமான வழியாகும் ! உங்களுடைய சித்தம் மகிழ்ச்சி பொங்கும் ;  உங்களுடைய பிரபஞ்ச உணர்வு மேன்மையடையும் ; உங்களுடைய முழுக்கவனத்தையும் பாபாவின் மீது திருப்புங்கள் ! அப்போது அவருடைய மஹிமையை அறிந்து கொள்வீர்கள் !

http://www.shirdisaibabasayings.com
http://www.facebook.com/shirdisaibabasayingsintamil

தேவையில்லாமல் கவலைப்படுவது வீணன்றோ?

பாபா எல்லாருடைய இதயத்திலும் உறைகிறார்‌! இப்பிரபஞ்சத்தின் உள்ளேயும் வெளியேயும் எங்கும் செல்கிறார் ! இவ்வாறிருக்க தேவையில்லாமல் எதைப்பற்றியும் நாம் கவலைப்படுவது வீணன்றோ?  பாபாவினுடைய உன்னதமான குணங்களை ஒவ்வொன்றாக நினைவுகூர்ந்தால்,  மனம் சலனமற்று உறைந்து போகிறது‌ ! எவ்வாறு வார்த்தைகள் அவரைப் பற்றி விவரிக்க முடியும்? திடமான மௌனம்தான் ஒரே வழி !  மூக்கு மலரின் நறுமணத்தை முகர்கிறது ;  தோல் குளிரையும் வெப்பத்தையும் உணர்கிறது ; கண்கள் அழகைப் பார்த்து ரசிக்கின்றது ; இவ்வாறு ஒவ்வொன்றும் தனக்கு வேண்டிய இன்பத்தை தேடிக் கொள்கிறதே தவிர, அந்த அனுபவத்தை மற்றவர்களுக்கு விவரிக்க இயலாது. அதுபோலவே ஸாயீயின் அற்புதமான குணங்களை நம்மால் அனுபவிக்க முடியுமே தவிர விரிவாகச் சொல்லமுடியாது ! இயன்றவரை பாபாவின் பக்தியில் மூழ்கி, பலனை அனுபவிக்க வேண்டியது ஒன்றே பக்தர்களகிய நமது கடமை.

http://www.shirdisaibabasayings.com
http://www.facebook.com/shirdisaibabasayingsintamil

பூர்வஜென்ம புண்ணியத்தின் பலன்

இயற்கையாகவே குறும்பு பிடித்தவர்கள், அதிகப் பிரஸங்கிகள்,  வாய்ஜாலக்காரர்கள், அவதூறு பேசுபவர்கள், கேலியை நாடுபவர்கள்,  தன்னுடைய மேதாவித்தனத்தைப் பற்றி மட்டுமே பெருமை பேசி வாதப்பிரதிவாதம் செய்பவர்கள், இவர்கள் எவருமே ஸத்குரு ஸாயீபாபாவின் மேன்மையையும் முக்கியத்துவத்தையும் அறியமாட்டார்கள். ஆயினும், விதியின் பலமான பிடி இருந்தால், அவர்களுடைய எதிர்ப்பையும் மீறி அவர்கள் ஸாயீயின் பொற்பாதங்களை தரிசனம் செய்யும் தருணம் வரும், அது அவர்களின் பூர்வஜென்ம புண்ணியத்தின் பலனே  என்பதை அறிந்து கொண்டால் சுபம் !

http://www.shirdisaibabasayings.com
http://www.facebook.com/shirdisaibabasayingsintamil

பாபாவின் கதைகளை கேட்க கேட்க பரமானந்தம் விளையும்

பாபாவின் கதைகளை பயபக்தியுடன் சொல்பவர்களும் கேட்பவர்களும் பூர்ணசாந்தியையும் விச்ராந்தியையும் அனுபவிப்பார்கள். பாபாவின் திருமுகத்திலிருந்து வெளிப்பட்ட கதைகளைக் கேட்டால் பக்தர்கள் உடல் உபாதிகளை மறந்து விடுவார்கள். அந்தக் கதைகளையே இடைவிடாது தியானம் செய்தால் உலகியல் தளைகளிலிருந்தும், துன்பங்களிலிருந்தும் விடுபடுவார்கள். பாபாவின் திருமுகத்திலிருந்து வெளிப்பட்ட வார்த்தைகள் தேவாமிருதத்தை விட இனிப்பானவை ! அதைக் கேட்க கேட்க பரமானந்தம் விளையும். பயனற்றதும், அர்த்தமில்லாததுமான செயல்களைச் செய்துகொண்டு வாழ்வதைவிட, ஸாயீயின் கதைகளைக் கேட்டுக் கொண்டு ஸாயீயின் சேவையில் ஈடுபடுவதே சிறப்பு.

http://www.shirdisaibabasayings.com
http://www.facebook.com/shirdisaibabasayingsintamil

முழுமையான சேவை

எனக்கு சேவை செய்தும் என்னுடைய புகழைப் பாடியும் முழு மனத்துடன் என்னை சரணாகதி அடைபவன் என்னுடனே ஐக்கியமாகி விடுகிறான். நான், எனது எனும் அஹங்காரத்தை  என்னுடைய பாதங்களில் சமர்ப்பிப்பதே,  எனக்குச் செய்யும் முற்றும் முழுமையான சேவையாகும் என்பதை புரிந்து கொள்ளுங்கள் !

-ஸ்ரீ ஷிர்டி சாய்பாபா

http://www.shirdisaibabasayings.com
http://www.facebook.com/shirdisaibabasayingsintamil

இன்று குரு பூர்ணிமா

உள்ளார்ந்த நம்பிக்கையும் தைரியமும் பொறுமையும் சகிப்புத்தன்மையும் இல்லையெனில் குருவின் அருள் சாத்தியமில்லை ! குருவின்றி ஞானமும் இல்லை ! குருவின்றி மோக்ஷமும் இல்லை ! குருவின்றி உயர்வும் இல்லை ! குருவின்றி எதுவுமில்லை !

உலகத்தில் உள்ள அனைவருக்கும் செல்வத்தின் மீது ஆசை. அழியக் கூடிய சொத்துக்கள் கிடைப்பதற்கே, பல பாடுகள் பட்டாக வேண்டி இருக்கிறது. ஆனால் அழியாத சொத்தான ஞானத்தை நமக்கு அளிக்க வேண்டுமென்றால், அது யாரால் முடியும்? குருவால் மட்டும்தான் முடியும். குரு வெளியில் உலகத்தினருக்குப் ஏழையாக, எளியவராக, சிறியவராக, பித்தனாக, தெரியலாம். ஆனால் குருவிடம் இருப்பதோ எப்போதும், யாராலும் அழிக்க முடியாத, அள்ள அள்ளக் குறையாத, ஆனந்தமயமான பேரின்பமாகிய ஞானப் பொக்கிஷம்.

எந்த விதமான காரணமும் இல்லாமல், எந்த விதமான பிரதியுபகாரங்களையும் எதிர்பாராமல், வெறும் கருணையினால் மட்டுமே, நமக்கு ஞானச் செல்வத்தை அள்ளித்தரும் குருநாதருக்கு , எமது அக வாழ்விற்கு வழிகாட்டி, தன்னையுணர வழிசெய்த அந்த தியாகத்தலைவனுக்கு நன்றிக்கடன் செலுத்தக்கூடியத் திருநாளே குருபூர்ணிமா. இவ்வாறான குரு பூர்ணிமா தினமாகிய வைகாசிப் பூரணை தினத்தில் ஒரு குருநாதரின் பாதங்களின் அருகில் இருப்பதே பூர்வ ஜென்ம புண்ணியமாகும்.

எனவே இவ்வாறான சிறப்பம்சங்கள் பொருந்திய, பூரணை தினத்தில், சர்வ வல்லமை பொருந்திய சப்தரிஷிகள் ஒன்று கூடும்  குரு பூர்ணிமா தினத்தில், குருவினை எண்ணியிருந்தாலே கோடி புண்ணியம், குரு நாமம் ஜெபித்தாலே வினைகள் எல்லாம் தீரும். அவ்வாறெனின், குருவினை சரணடைந்து, குருவுடனிருந்து தியான ஜெபங்களில் ஈடுபட்டு, குருவினால் ஆசீர்வதிக்கப்பட்டு, குரு உபதேசம் கேட்டு, குவினால் வழங்கப்படும் அன்னப் பிரசாதத்தினை உண்ன வாய்ப்புக் கிட்டுமெனின், அது சர்வநிற்சயமாக பூர்வ ஜென்ம புண்ணியங்களின் பலனேயாகும்.

http://www.shirdisaibabasayings.com
http://www.facebook.com/shirdisaibabasayingsintamil

பாபாவின் நினைவிலேயே எப்பொழுதும் இருங்கள்

யாருக்கு எதன் மீது பற்று அதிகமோ அதன் மீது முழு கவனமும் இருக்கும். லோபி ஏதோ ஓரிடத்தில் தான் மறைத்து வைத்திருக்கும் பொருளைப் பற்றியே இரவும், பகலும் மனதில் அசை போட்டுக்கொண்டிருப்பான். காதலன் காதலியைப் பற்றியும், காதலி காதலனையும் சதா நினைத்துக்கொண்டே இருப்பார்கள். இதே போலத்தான் சாயியை எப்போதும் மனதில் அதே ஏக்கத்தோடும், தவிப்போடும் தேடும் மன நிலை நமக்கு வரவேண்டும். இமைப் பொழுதும் மறந்தறியேன் என்று சொல்லும் அளவுக்கு அவரை  நினைவில் நிறுத்தும் வகையில் மாற்றிக்கொள்ள வேண்டும்.

http://www.shirdisaibabasayings.com
http://www.facebook.com/shirdisaibabasayingsintamil